عاهرة الامام(كاملة ❤️)

173

⁦♥️⁩عـــــاهــــــرة الامــــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩ الحــــلــــقـــــة 94 ♨

ناضت الصباح على صوت تيليفونها يصوني .. هزتو و عينيها مقفولين ردت بلا متشوف شكون ..
أميمة : وي .
لحقها صوت يماها عالي باينا متحمسة و ناشطة : السلام عليكم أميمة متقوليليش اكي راقدة ؟
بعدت تيليفون شافت الساعة و رجعت تحكي : راهي 8:30 اماما وش حننوض ندير فالوقت هذا حرام عليك لاه نوضتيني مشبعتش رقاد .
يماها : اشمن رقاد نا حسبتك توجدي في روحك ليوم خطبة يسرى .
نقزت مبلاصتها تعيط و تدور على روحها : ااه نسيييت مزيا نوضتيني مزال مشريتش وش نلبس الله يفكرك في الشهادة .. هففف منين حنبدا .
يماها : بسم الله بلعقل ابنتي شبيك هجتي هك علابالك منديروهاش كبيرة بيناتنا برك مع موت عايدة الله يرحمها متلبسي متزوقي .. المهم خفي روحك وجدي و ارواحي عاونينا ننقو الحالة يسرى راحت للحفافة قبيل مع فرح و خلاوني وحدي .
اميمة : صحااا ني رايحا باي .
قفلت و تلفتت جنبها لقات سيف مكاش ..
اميمة : راح و خلاني هنا منوضني متفكر خطبة ختي هففف .
مشات لخزانتها جبدت صوالح الدوش و جلباب كامل و خرجت من شمبرتها للدوش .. دوشت و لبست و هبطت للكوزينة كشما تاكل قبل تخرج .. لقات سيف واقف يغسل فلماعن .. فمها بقا مفتوح و عينيها باهتة فيه حتى حس بيها و تلفت ..
سيف متبسم : صباح الخير اميمة .
قلبت عينيها مردتش عليه و مشات تطيب قهوة بلاماشين ..
سيف : القهوة واجدة هاهي علاطابل طلعت ننوضك تفطري لقيتك فالدوش .. ماما راحت لداركم قلت نوجد انا لفطور ليوم .
خزرت فيه و ضيقت عينيها : اذا راك تدير هك بش نسامحك غير فوتها و اذا بش تبان الرجل المثالي الكامل ثان فوتها صايي عرفتك و عرفت تخمامك كيفاش داير لاعبها حنين و تخمم فالناس كامل و قلبك كبير و نتا اول فرصة تبكيني فيها استغليتها .
سيف جبد الفنجان الفارغ من يدها يحكي ببساطة : اولا مغلطتش فيك بش نستناك تسامحيني و ثانيا مكاش انسان كامل الكمال لله وحده سبحانه تعالى و مالقري كلامك كامل غالط مي نقولك اسمحيلي اذا جرحتك و سيي تبدلي نظرتك ليا و تشوفيني بنظرة مرا لراجلها مش لعدوها .
حط يدو على كتفها يقعدها على لكرسي جبدت روحها منو و وقفت تحكي : حرمتني من الحاجة الوحيدة لي شفت فيها روحي انسانة مليحة حرمتني من فرحتي و ديتها لبنادم معندوش قلب سمح فيها و في امها ميستاهلهاش ابري تجي تقولي راجلك و ما راجلك انا تزوجتك علاجال بابا بش يسامحني و ميغضبش عليا معناها بالاجبار بلا منبقا نعاود في نفس الاسطوانة افففهم بلي حناا منصلحوش نكونو زوجين افههههم بلي متقدرش تبدلني هذي انا مووووحال نتبدل اففففهم .
سيف بهدوء : اميمة هذاك يبقا باباها مهما دار و يدير حنا معندناش حق فالطفلة لاه محبتش تدخل الفكرة هذي في راسك ! .. و نتي افهمي بلي انا مش عدوك جامي خممت في حاجة مش مليحة ليك و جامي شفتك مش مليحة اميمة افهمي بلي نحبلك غير الخير و كي ننصحك مش كره فيك العكس ..... و حكاية متقدريش تتبدلي راكي غالطة و بزااف بسك ديجا تبدلتي مبقيتيش اميمة تع اول نهار هنا تبدلتي ا اميمة باقي تتقبلي روحك لجديدة برك .
دزتو و وقفت تعيط في وجهو : متتتتبدلتتتتش انا اميمة تع بكري متتتتتتبددددلتش .
لز على سنيه و زير على قبضة يدو يحاول قدما يقدر يهدي روحو و ميغلطش معاها : اميمة متعيطيش عليا ..
اميمة : و اذااا عيطت وشرح يصرااا مش تووجور الرااجل لي يعيط و يضرب و يكسسسر حتى انااا نعرف نديرهم كااامل .
سيف : أميمة صوتك ميعلاش عليا آخر مرة .
علات صوتها اكثر : يعلى متسااااالنييييش .
سيف بلعياط : أمييييييييييممممممممة .

⁦♨️⁩ الحــــلــــقـــــة 94 بـــارت 02 ♨

صوتها اختفى و جمدت في بلاصتها .. اول مرة يعيط عليها و يتقلق للدرجة هذي .. صوتها بدا يخبط بقوة نعم اميمة الباردة لي متخاف راجل يهزها عياطو ! .. الدموع تلمو في عينيها و هبطو لرموشها و وجهها ولا احمر قريب يطرشق .. مسح على وجهو و هو يشوف في حالتها كيفاش خايفا و تترعد ..
سيف : اطلعي وجدي روحك نروحو لداركم .
كلامو كأنو الاشارة الخضرا ليها مكملش و طلعت تجري لغرفتهم .. دخلت و يدها على قلبها و دموعها يطيحو مهيش فاهمة لاه تبكي اصلا .. من وقتاش اميمة يبكيها عياط ! .. من وقتاش تخاف و تترعد و تبكي بسبب حاجة تافهة هك ! .. حتى كي كانت مع سام يضربها و يذلها و يعيط عليها و دمعة وحدة ماتطيح من عينها .. جبدت فاليز و بدات تلم فيها وش تحتاج و وش متحتاجش اصلا مكانتش تشوف لي تجي يدها عليه تحطو عقلها و قلبها و روحها كامل خلاتهم تحت معاه .. كملت قفلت لفاليز و قعدت على سريرها معنقة رجليها و راسها بينهم تبكي بصمت .. دوك تقدر تفهم احساسها بعدما هدات الحالة .. هذا مش خوف .. غاضتها كي عيط عليها بسك كانت حسباتو الانسان الوحيد لي مهما تغلط معاه ميتقلقش عليها يبقا هادي و يهديها يفهمها و ينصحها .. كانت حسباتو ميقدرش يقيسها و ميقدرش يعيط عليها و بلي يـحـبـهـا .. اما كلش طاح في ماء بعد الموقف هذا .. اندق الباب و تفتح و هي مزالها على عقدتها .. حست بيه دخل و بقا لحظات واقف يتفرج فيها هنا زاد بكاها و فكرة انها مغاضتوش و انو دموعها ميحركوش فيه استولت على عقلها .. تحرك اخيرا قعد جنبها و حط يدو على كتفها ..
سيف بصوت هادي : أميمة ...
عضت على يدها تحبس بكاها و زيرت على جسمها اكثر .. طلعلها راسها قابلتو بوجهها احمر و دموعها وديان .. تنهد و هز يدو يمسحلها دموعها يحكي و الندم باين من صوتو و نظراتو ..
سيف : سامحيني منعرف وش صرالي مقدرتش نتحكم في روحي و خوفتك .. سامحيني .
خزرت في عينيه و مردتش و هو غاس فيهم .. الدموع دارو لمعة على زروقيتهم و زادوهم جاذبية على جاذبيتهم .. حمحم و وقف قبل يدير حاجة يندم عليها .. هز لافاليز و عطاها بظهرو يحكي بلا ميخزر فيها ..
سيف : غسلي وجهك و اهبطي ني نستنا فيك .
خرج و هي وقفت تسب فيه بين شفايفها ..
اميمة : انا الحمارة البغلة لي نبكي عليه و هو مش مقيمني حكا من فوق قلبو و عطاني بظعرو و مشا لا جاست حنين لا خراا تفييه على قلبي الرخييس و على كرامتي الحلوفة تفيييه عليااا .. مي اصبر يا سي سيف كون منهبلكش الليلة منتسماش اميمة بنت رابح نردهالك دوبل و ثريبل .
مشات للدوش غسلت وجهها و دارت شوي كحل و ماسكارا و خرجت .. لقاتو راكب و يستنا فيها .. مع ركبت و قفلت الباب حكا ..
سيف : اميمة تفاهمنا متكحليش عينيك و متديريش ماكياج لاه درتي !
اميمة حطت لاسانتور : حياتي و حرة فيها مكان مدخلك .
خذا نفس و جبد لانجيت من لقجر لي قدامها عطاهولها : امسحيه متتعبيناش و نعاودو تع قبيل بليز .
تنهدت و مسحت عينيها و رمات لانجيت من الطاقة ..
سيف : اميم لاه رميتي من الطاقة هااي لابوبال قدامنا كون عطيتيهالي نرميها تم .
اميمة نفخت : اميمة ديري اميمة متديريش اميمة وقفي اميمة قعدي كرررهت اسمي ازح ارحمني .
مردش عليها و كمل يسوق ساكت و هي سندت راسها على يدها و عينيها في الطريق قدامها ..

🔮 جام للحلقات + رايكم + توقعاتكم 🔮