عاهرة الامام(كاملة ❤️)

22

♥ الــحــلــقــة الــحـاديـة عـشـر تتمة ♥

فرح : اوووه بسيييف لقينا حفافة خدمتها شابة يسما تجي عندك و ترجع عندنا !
أميمة : ايه ياربي متطولش و يروح الحال ... اسمعي فرح نشوفو اقرب بيجوتري نشري الخاتم و روحو نتوما نكمل نخير لاروب و نرجع لدار .
فرح : بوووه هذي هدراا ا أميمة ! والله تكملي معانا و نوصلوك حنا ديجا شوفي الساعة منقدروش نخلوك برا فالوقت هذا ديجا سيف ميقبلهاش .
أميمة : لاه ميقبلهاش نرمال شوفي الدنيا عامرة النسا ذا وين خرجو .
فرح ركبت و تحكي مع اميمة : منخلوكش اميمة صايي نكملو مع بعض و نوصلوك .
أميمة : وشفيها ياك الدار قريبة ربع ساعة و نلحق .
سيف : وش كاين وشبيكم ؟
أميمة : مكاين وال.....
قاطعتها فرح : لبهلولة لي قدامك تقولي نروحو نشرو الخاتم و نخلوها برا تخير لاروب و تروح وحدها فالوقت هذا .
أميمة : لاه مكبرة لحكاية وشفيها كي نروح فالوقت هذا مالفا على 7 راجعة من لافاك كي جات في هذي منخرجش فليل !!
سيف : تروحي تشري الخاتم و لاروب و نوصلوك الخرجة فليل مكااش .
أميمة : بصح ...
سيف خزرلها من لمرايا : مكاش بصح طوموبيل و مولاها كاينين و نتي تروحي وحدك !

عضت على شفايفها و دورت وجهها لي ولا احمر دم قريب تطرشق ديجا فكرة انها معاه في بلاصة وحدة خانقتها و زاد عليها كلامو من دوك بدا يحرملها في المتعة الخرجة فليل مكاش و بعد الزواج يقوللها الخرجة وحظك مكاش تولي تسب بلمقلوب ...

فرح صحكت : شفتي قولتلك ميخليكش مون فخيغ راجل .

حبسو قدام بيجوتري و هبطو في ثلاثة دخلت اميمة و فرح و سيف وراهم ..

سيف : فرح راني هنا كي تكملو عيطيلي نخلص .

حركتلو راسها و بداو رحلة اختيار الخاتم 💍 لي تعجب فرح متعجبش أميمة و العكس بقاو ساعة و نص فلحانوت جبدلهم كامل لي موديل لي عندو ..

فرح : هفف اميمة ذوقك صعيب شوفي هذي هايلا اذا معجبتكش نحرجو .
أميمة : لالا هذي بزاف غالية .
فرح : دراهم راجلك المستقبلي صرفي و بششي .. عجباتك ؟؟
أميمة : مأاه نشوف وحظوخرا .
سيف : مزال مخيرتيش ؟؟
فرح : عجبتها هذي قالتلي غاليا احكي معاها .
سيف : بشحال ؟؟
فرح : ***** (نعرفش شحال يديرو ابوبري المهم غاليا و صايي🚶).
سيف تلفت للي يبيع : الاخ حط هذي ندوها .
أميمة همزت فرح : قوليلو معجبتنيش فررح .
فرح : عجباتك اسكتي .
سيف بلا ميخزرلها : بلا متقولي فرح اني نسمع فيك .

🔮 جام + رايكم + توقعاتكم 🔮