عاهرة الامام(كاملة ❤️)

185

⁦♥️⁩عـــــاهــــــرة الامــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩ الحــــلــــقـــــة 114 ♨

خرج الطبيب بعد وقت طويل غير خرج جراو ليه كامل و كانو جاو ياسمينة و خالد ..
يسرى : دكتور بابا راه مليح ؟؟
الطبيب تنهد : حنا درنا لي قدرنا عليه و الباقي بيد ربي سبحانو .. لازمتو عملية مي قلبو ضعيف بزاف ميتحملهاش رح نستناو الفترة هذي اذا رجع شويا خير نديرولو العملية و اذا لالا ....
صورية : و اذا لالا وش رح يصرااا ؟؟ احكي علاااه سكتت ؟
الطبيب هبط راسو : رح يكمل لي بقا من حياتو تحت الآلات .. اما كاين احتمال 80٪ يرجع خير و نقدرو نديرولو العملية و يرجع لحياتو الطبيعية يعني متفقدوش الامل خلو املكم بربي سبحانو كبير و ادعولو .. سامحوني هذا وش قدرت عليه .
خلاهم و مشا .. صورية نهارت على الكرسي تبكي و تضرب في فخادها و ياسمينة قعدت جنبها تهدي فيها و تصبرها ..
اميمة تلفتت لسيف : سمعت وش قال ؟ قال احتمال 20٪ بابا يموت .. سيف بابا رح يموت و انا منقدر ندير والو .. منيش حابة نعيش بلا بابا سيف منقدرش نفتح  عينيا على فكرة بابا مكاشو فالدنيا .. نتوحشو و منقدرش نعيطلو نسمع صوتو .. سيف منيش حاباتو يموت .
حط يديه على كتافها و طلعلها راسها ليه : تقدري تديري حاجة وحدة اميمة .. تقدري تروحي تووضاي و تصلي و تدعيلو في سجودك في اكثر موضع وكوني قريبة لربي سبحانو .. في يدك الدعاء اميمة ادعيلو و متخمميش فالاحتمالات السلبية شوفي ياك قال احتمال 80% يقدر يدخل العملية و يسلك منها بخير !
اميمة : صح بابا يوليلنا ؟
سيف : اذا دعيتيلو كيما قلتلك ان شاءالله يوليلكم .
بعدت عليه و جرات و هو راح وراها يعيط عليها .. حبست اول ممرضة قابلتها و سقساتها ..
اميمة : ختي كاين مصلى هناا ؟؟
الممرضة : ايه كاين في الطاج الثالث على لادرواث امشي شوي تلقاي مصلى النساء و مصلى الرجال .
اميمة : صحيتي ربي يفرحك .
قالت هك و مشات للمصعد و سيف وراها فرحان من الشي لي دارتو في نفس الوقت مقلق شوي على رابح .. كون تصرالو حاجة اميمة متقدرش تكمل متعلقة بيه بزااف و تخاف عليه من الهوا يقيسو .. طلع معاها منين قالتلهم الممرضة و قبل تدخل حبسها ..
سيف : اميمة ..
تلفتت ليه و قبل يكمل ترمات عليه تعنقو ..
اميمة : سيف معليش تروح نتا ثان تصلي و تدعي معاي ؟
حركلها براسو ايه و باسها على جبينها ..
سيف : روحي متضيعيش وقت .
حركتلو راسها و دخلت .. لقات المصلى فارغ بسك مهوش وقت صلاة .. مشات توضات و وقفت تصلي .. مع سجدت و حطت راسها فلارض دموعها بداو يطيحو قاويين و بدات تدعي من قلبها .. كملت صلات 12ركعة متفرقين زوج زوج سلمت و مشات رفدت مصحف و قعدت جنب الحيط .. كي صلات و بكات حست براحة لا مثيل لها كأنها كانت رافدة جبال فوق ظهرها و كي صلات طاحو كامل و ولات خفيفة ريشة .. فتخت على سورة الملك المحببة لقلبها و بدات تقرا و دموعها وديان حتى شمخت شوي المصحف ..

⁦♨️⁩ الحــــلــــقـــــة 114 بـــــارت 02 ♨

خرجت من المصلى قلبها مرتاح و دموعها ناشفين عكس وقت دخولها .. وقفت شوي قدام مصلى الرجال عل و عسى يكون سيف مزالو هنا و يخرج دوك بعد دقايق مخرجش مشات للمصعد و هبطت وحدها .. اكيد يكون خرج من زمان بسم عزدها قريب ساعتين داخل .. راحت عندهم لقاتهم كيفما خلاتهم اما تهدنو شوي خير من كانو .. ياسمينة معنقة صورية خالد واقف بعيد و يسرى قاعدة وحدها ..
اميمة : سيف ويراه ؟
ياسمينة طلعت راسها ليها : راح للمسجد يصلي العشاء .
اميمة استغربت شويا كيفاش تحكي معاها بهدوء كأنو حاجة مصرات و هي لي لبارح برك مكانتش تخزر لوجهها و ترميلها فلكلام .. مهتمتش و مخممتش بزاف اصىا مهيش في حالة تقدر تخمم في حوايج تافهين هك .. قعدت جنب يسرى دورت يدها على كتفها و جبدتها ليها تطبطب عليها و الصمت سيد الموقف ..
خالد قطع الصمت : نمشي للطبيب نسقسيه على حالتو بسك قبيل شفت ممرضة دخلت عندو و نفهم مليح منو .
اميمة وقفت : عمي نروح معاك .
حركلها راسو و مشات معاه للبيرو تع الطبيب طبطبو و دخلو كي سمعو الاذن ..
خالد : دكتور انا خو رابح **** .
الطبيب وقف و اشرلهم للكراسي : اتفضلو قعدو .
قعدو في ثلاثة .. شبك يديه فوق المكتب و حكا ..
الطبيب : لحد الآن حالتو مستقرة مكاينش مضاعفات ولا خطر و مزال مفاقش من تأثير الدوا الصباح يفيق بإذن الله .. من الاحسن تنقصو الاكتظاظ لي دايرينو لأنو مزال بش يفيق الليلة خلو مرافق واحد معاه و غذوا يسهلها ربي .
خالد وقف : يعطيك الصحة دكتور .. اي حاجة عيطلنا تمتم .
الطبيب : هذا واجبي موسيو بلا متسقسي خدمتنا .
خرجو و رجعو منين كانو قاعدين لقاو سيف ولا و واقف معاهم ..
يسرى : وش قال الطبيب ؟
خالد : قال حالتو مستقرة و مكاش خطر كبير على حياتو .. يسمح لواحد برك يبقا معاه الليلة و الباقي نروحو و غذوا نوليو ان شاءالله .
اميمة سبقتهم قبل يحكيو : اناا نبقا معاه .
صورية وقفت : لالا انا نبقا .
اميمة قربتلها و حطت يدها على كتفها : يما راكي تعبانة روحي رتاحي فدار رقدي و غذوا الصباح ارواحي .
صورية : لالا نبقا و نتي روحي مع راجلك .
يسرى تدخلت : ماما اميمة عندها الحق هيا نروحو حنا و تبقا هي معاه .
صورية تنهدت اصلا متقدرش تزيد خمس دقايق واقفة من التعب : خلاص نروح و ابقاي طمنينا عليها متخلينيش متقلقة  .
اميمة : متتقلقيش نعيطلك .
راحو مع ياسمينة و خالد و اميمة لسيف ..
اميمة :سيف معليش ....
قاطعها سيف : ابقاي معاه اميمة متبعديش عليه .
قربتلو اكثر و شبكت يدها في يدو : سيف سامحني .
سيف طلع حاجبو : على وش ؟
هبطت راسها و تنهدت : على الليلة .. وعدتك و موفيتش بوعدي ...
حط صبعو على شفايفها يسكتها : اشششت متعاوديهاش هذي صحة باباك اهم من كلش مزالت الدنيا قدامنا و نفرو امورنا .
غمزها و هي دخلت بعضها و خدةدها حمارو قريب يطرشقو ..
سيف ضحك : هههههه وشراه صاري فالدنيا من وقتاش تحشمي و خدودك يحمارو !!!
ضربتو على صدرو و بعدت عليه : شوفك نتا وشراك تقول .
شاف منا و منا كي ملقا حد دنا ليها باسها من خدها قريب لشفايفها ..
اميمة : سييييف ...
فوت لسانو على شفايفو و ضحك : هذ تصبيرة تع 4ساعات ... زيدي عطيني التصبيرة تع الساعات لباقيا .
ضحكت و طلعت لرجليها بش تلحقو باستو على خدو ..
اميمة : هاك التصبيرة .
سيف : عسل 🍯 مي هذي متكممليش ساعة وحدة .
اميمة : سيييف .. !
ضحك و بعد عليها : نتمسخر خلاص ادخلي مع باباك و متخرجيش غير للضرورة القصوى و كش حاجة عيطيلي انا الاول و تهلاي في روحك ..
اميمة : هههه هذي غير ليلة متقلقش روحك تفوت بلخف .
سيف : ان شاء الله تفوت على خير .
اميمة : تصبح بخير .
سيف : و نتي من اهلو ..
عطاها بظهرو و قبل يبعد حبستو ..
اميمة : سيف ...
سيف تلفت و هي كملت مبتسمة : استودعتك الرحمان .
عينيه بداو يلمعو حب يولي ليها يبوسها و يعنقها و يشكرها على التغير الايجابي هذا شد روحو بسيف تبسملها و خرج و هي دخلت للغرفة ..