عاهرة الامام(كاملة ❤️)

15

♥ الــحــلــقــة الــثــامــنــة تتمة 2 ♥

أميمة : نحط لافوطو هذي ولا هذي ! هفف حرت زعما واينا لي تجذبو اكثر ؟ اواه نحط هذي شابة باينا تعجبو و يريبوندي لازم نكثر فوطواتها .

سڤمت لبروفيل حطت فوطوات طفلة مسروقين و بعتتلو ميساج "سلام صافا !" .. بقات تستنا شي عشر دقايق و تاكل فشيبس حبة مور ختها من التوتر اما والو مريبونداش تقلقت و بعتتلو ميساج وحدوخر و رجعت لكونت تاعهت بعتت لفؤاد ..

اميمة : شششت فؤااااد خوك راه فاتح ؟؟
فؤاد : ايه بعتتيلو !
أميمة : طيير وشدخلك .
فؤاد : هههه ميحلبش و راه ضد العلاقات خارج اطار الزواج حتى اذا كانت خطبة غير انساي يريبوندي .
أميمة : مام انا منيش ميتة عليه و ابرد مبعتتلوش و منبعتلوش اصلا كرامتي متسمحليش طيير دوك عندي خدمة .
فؤاد : اوكي يا ام كرامة روحي لخدمتك .
أميمة : اصبر نسقسيك معندوش فايس ولا حاجة !!
فؤاد : كان عندو و قفلو كاين غير انستا ناويا تهبليه من زوج جيهات ؟😂
أميمة : قيمتك بالزايد امشي طير .

رجعت للفو كونت بعتتلو ميساج " خويا سامحني على الازعاج سمعت بلي نتا امام مسجد و عندي سؤال ديني اذا تقدر تعاونني " ... بقات تستنا لا رد شويا و دخلت عليها يسرى ...

يسرى : أميمة مشفتيش سلسلة تاعي لي فيها قلوبة و ... يااا راكي تاكلي شيبس ! اطييينييي .

جرات يسرى ليها حتدي الشيبس وقفت اميمة على السرير و طلعتو لفوق ..

أميمة : زوج حبات شيبس بقاو والله متديهم روحي اشري و صرفي على روحك ... يسرى والله متاكليهم بعدي .

بقات تنقز على السرير و يسرى تنقز معاها تحب تديه و صوت عياطهم واصل لبرا حتى سمعت صوت ميساج عينيها و فمها تفتحو متفاجأة و فرجانة في نفس الوقت عطاتها الشيبس و رمات روحها على السرير متربعة و تقرا فلميساج ...

يسرى : ميساج شكون لي جريتي ليه و سمحتي فشيبساتك !!
أميمة : يسرى حبسي تقرعيجك و خرجي .
يسرى دنات ليها تحب تشوف : معامن راكي تحكي ؟
بعدتلها وجهها بيدها و غطات تيليفونها : قولتلك اخرجيييي و قفلي الباب وراك .
يسرى خارجا و تحكي : هففف الواحد يموت بالفضول في قلبو ميعرف والو فالدار هذي .
أميمة : الباااااااااب .
يسرى : اووووووكي .

غي قفلت الباب جبدت اميمة تيليفونها و فتحت لميساج ...

سيف : وعليكم السلام اتفضلي اختاه .
أميمة : يسما لازم يكون سؤال بش تريبوندي بعتتلك 5ميساجات مرديتش .
سيف : سامحيني ختي منحكيش مع بنات الناس بدون سبب .
أميمة : متقوليش حكاية حرام و حلال هذيك !
سيف : هي صح حرام الصداقة بين الراجل و المرأة اما مراحش نقولك بسبب هذي و نقولك احتراما للمرا لي رح تولي في داري بعد ايام .
أميمة : بصح كيفاش حتعرف زعما كون تدير علاقة عادي مدام مزال متزوجتوش دير رايك .
سيف : كيما انا منرضاش تدير عليا واحد منديرش عليها + فالوقت لي هي قاعدة في دارهم توجد للنهار لي تدخل فيه داري ميسمحليش قلبي نلعب و نضحكمع بنات الناس نخدعها و نخدع روحي و بنات الناس مهمش لعبة - اذا عندك سؤال اتفضلي .

أميمة بلعت ريقها و مسحت يديها المتعرقين من التوتر مفهمتش لاه كلامو وترها حستو ضرب في قلبها و صح موجه ليها دوك هو ميحبش يحكي مع بنات غيرها و يلعب بيهم و يخدعها و هي عندها عشرات لي امي فاليوم تحكي مع ربعا .. تيست تاعها خلاص و نتائجو رضاوها يعني صح مهوش تع نساء و ميقدرش يخدعها اما لقاتها فرصة تسقسيه و تعرف رايو في موضوع ...