🚫🖤 عـــاهــرة الإمـــــام 🖤🚫
✏ ســــارة & بـــخــتــة ✏
الــحــلــقــة الـــــخامــــســــة و الـــســـبـــعــــون :
ناض حل عينيه لقاها قدامو شادة طفلة تسكت فيها هدي اول مرة تنوض بكري كان طول حياتو يشوفها هديك طفلة الأنانية المغرورة لي تحب غير روحها بصح ظهر عندها جانب حنين مكنتش يعرفو فيها....تبسم وراح غسل وجهو وقعد قدامها...
أميمة:سيف عيشك اقرا شوي قرآن كيما البارح باش ترقد....
سيف:بصح ياك هدا وين ناضت....
أميمة:لا من 4 وهيا نايضة تبكي....
سيف:مسمعتهاش....
أميمة لا ارادي:كنت تهبل كي كنت راقد محبيتش نخسر عليك نومك اي روحت هبطت لصالو بقيت معاها حتى صباح....
بقى يسمع فيها بلاك هدي اول مرة تكون فيها حنينة معرفتش اصلا واش يحكي ولا واش يرد بقى غير يشوف مشوكي يعني أميمة تحكي هكدا حاجة بيزاغ وبزااااف....
سيف:ربي يخليك ليا....
قال هكدا ودار يدو على راس ملاك وبدا يقرأ في القرآن بالصوت وهيا سكتت بصح مرقدتش....
أميمة:مرقدتش....
سيف:ندوها لطبيب....
اميمة:لا دوكا نسقسي خالتي بلا متعيط....
سيف:اوكي....
قال هكدا ولبس قميص وراح ناوي يروح لبلاصة بلاك حاب يصحح غلطة كاش واحد من يدري في هدي دقيقة واش يدور في راسو...
وصل لحومة فارغة كامل تبسم وراح يحوس على العنوان لي جابو من عند صاحب فؤاد....وصل عند الباب طبطب شوي وقت حتى خرجت....
سهى:وي شكون نت...
سيف:السلام عليكم....
سهى:وعليكم السلام...نقدر نعرف شكون نت....
سيف:معليش تخرجي نحكي معاك دقيقة..
سهى:غير الخير....
قالت هكدا وخرجت عند الباب وهيا تشوف فيه باين من وجهو بلي ناس ملاح حيث كاين واحد النور في وجهو يعني يخليك ترتاحي ليه....
سهى:وي خويا....
سيف:شوفي أختاه باش منطولش عليك باسكو حرام عليا اني نحكي معاك....بصح راح نحكي انا خو فؤاد...
غير قال هكدا جات راجعة لدار باسكو هيا خلاصت نسات واحد اسمو فؤاد من حياتها...
YOU ARE READING
عاهرة الامام(كاملة ❤️)
Romance🌙رمـــــــــــــضـــــــــان كــــــــــريــــم ومـــــــــــــبـــــــــــــارك🌙 ♨️كـــــــــــرونـــــــــــيـــــــــــك قـــــــــــصـــــــــــير♨️ ❌#لا_يحلل_النشر_بتاتا_بدون_اخذ_اذنا_شخصيا_ونقل_كل_شيء❌ ✒️قــــــيــــــد الكــــــتــــــا...
