عاهرة الامام(كاملة ❤️)

109

🔥 عـــاهــرة الإمـــــام 🔥

✏ ســــارة & بـــخــتــة ✏

الــحــلــقــة الــخــامــســة و الـخـمـسـون :

دخلت راسها فلارض .. كل النظرات راحت ليها و الصمت ساد .. حطت السنيوة علاطابل و بدات تسربيلهم .. نطقت لمرا لكبيرة لي تكون يماه قطعت الصمت تحكي بفرحة ..

👵 : تقولي للقمر نوض و ندي بلاصتك .
جاوبت يماها بفخر : هذي هي بنتي انتصار صغيرة الدار هي لي هازتني و متهليا فيا .
👵 : باينا زين و رزانة و تربية ربيتي ألماسة ياختي .

السخانة طلعتلها لوجهها خدودها قريب يطرشقو من الحشمة .. دارت عليهم عطاتهم القهوة كانو يماه و باباه و زوج بنات فهمت بلي خواتاتو .. كي لحقت ليه بدات ترجف و الفنجان يروج و يجي في يدها .. عطاتهولو مشدوش عليها .. طلعت راسها ليه طاحت عينها في عينو .. خدودها لحمورة و نظراتها بين فرحة و حشمة مقابلة ملامحو الباردة و نظراتو الفارغة مفهمت والو منهم غير بروود يقتل قدرت تعرف حاجة وحدة لي هي جاي غصب عليه .. حمحمت يماه قحرلها و رفد الفنجان و انتصار مشات تقعد جنب يماها .. بقاو يحكيو يماه تمدح و يماها ترد بفخر .. انتصار مطلعتش راسها تصبغت باللون الاحمر و هو يخزر فيهم ببرود كلهم غيرها هي معندوش الجرأة يحط عينو فيها .. معندوش جرأءة يخزر في غيرها حاس روحو ناقص رجولة خدااع ..
لحق وقت يقعدو وحدهم و مشاو لغرفتها هو قعد على السرير و هي على كرسي مقابلاتو و الصمت سيد الموقف ..

قطع الصمت الطويل بزوج كلمات : اذا معندكش حاجة تقوليها نمشي .
انتصار : عندي ...
حمحمت و هبطت راسها : احم عندي سؤال ...
سالم : لي هو .. ؟

طلعت راسها و حطت عينها في عينو حست حاجة داخلها تحركت نسات كامل وش كانت حتقول و بقات غي تتأمل في عينيه لي رغم فراغهم و برودهم باقي فيهم جاذبية تسحبها ليه بدون ارادتها ..

سالم قلب عينيه بعيد عليهم : حتبقاي تخزري !
انتصار ذابت في بقعتها بدات تفرك يديها بتوتر : م..ع..ند..يش سؤ..ال (معنديش سؤال) .
مكملتش كلامها و وقف كأنو كان يستنا في ذيك الكلمة و يتحرر منها .. بلا ميزيد معاها خرج و خلاها داخلة في حيط شي من الحشمة و شي من الاستغراب مستغربة و حايرة في تصرفاتو فيه حاجة غامضة مفهمتهاش و متأكدة عندو حكاية ورا برودو كاين حاجة كبيرة اما وشنو هي و كيفاش تقدر تعرفها ؟ .. خرجها من افكارها اصواتهم قدام باب الدار يتوادعو و يتباوسو .. صوت الباب تقفل رجعها للواقع و ن
تفكرت حاجة .. قلعت الطالون رماتو بعيد و وقفت تجري للصالون منين كانو كامل قاعدين ..

انتصار : ياااا ال### غياااارة حساااادة .

جبدت اماني من شعرها نصو طاح في يدها دزتها و طاحت فوقها تخرمش و تضرب و اماني مقصرتش معاها وحدة تجبد و لوخرا تقطع .. قدر زاكي يبعدهم اخيرا جبد اماني لحضنو و بعد انتصار ..

اماني : زاكي شفتها !! متوحشة عدواانية وش درتلك بش تضربيني هك ؟
انتصار : كشفتك بلا متلعبي و تمثلي غااايرة مني سرقتيلي لقاطو حطيتيه في شمربتك و قفلتي الباب بلعاني بش تحرجيني مع الناس تفيييه عليييك .
زاكي : ر## وشراااكي تقووولي ؟ قصدك مرتي سرااقة !!
انتصار : حساااادة سحاااارة .
اماني : السحارة يماك يا الخااانزة .
انتصار جرات ليها تحب تكمل وش بدات جبد زاكي اماني وراه بش متلحقلهاش : تهدري على يمااا يا الكلبة يا اللفعة يا الشيطانة اروااحي لسااانك نقطعهوولك .
زاكي : انتصاااااار .
انتصار حبست و قحرتلو : وشنووو ؟ سمعت وش قالت على ماما ! لاه تسكتلها اللفعة .

جبدتها يماها تهدي فيها و شهد قاعدة دايرا رجل على رجل تاكل فلقاطو تع الجارة و تتفرج فالمسرحية لي قدامها بعدما شعلت النار بيناتهم تستمتع و هي تشوفهم يتحرقو ..