مسح على وجهو بيدو و تنهد : نروح نصلي بالناس راهم يستناو . خالد : و خمم في كلامي . حركلو راسو بإيه و خرج يمشي و يخمم في كلام باباه جامي توقع ولا جات لبالو بلي يجي نهار و يتزوج اميمة جامي خمم فيها ولا سمح لعقلو يخمم الكل عارف انو اميمة خرجت على طريق العايلة صحيح تدير الجلباب و تتغطى اما تصرفاتها و عاداتها و كلامها كلها تناقض الدين و لي هو متربي عليه و عارفوو ملييح و يعلمو للناس .. تفكرها كي كانت تجي لدارهم مع منال اختو مكانش يحبهم يقعدو مع بعض بزاف يخاف على ختو تولي كيفها تحكي مع لولاد و متتغطاش عليه و فوطواتها دارين حالة فلانستغرام و فايسبوك و كانت تمشي مع طليقها سنين تحدات عايلتها و تزوجتو فللخر كرهها فحياتها بشكوكو و وسواسو كيفاش رح يكمل حياتو مع مخلوقة هكا كيفاش يتأقلم معاها و يحكي و يضحك معاها ... لحق للمسجد توضا و قعد يقرا في القرآن يريح قلبو و يهدي اعصابو و وش كاين خير من القرآن غءذاء الروح و العقل طمأنينة و راحة وقت تكون في اشد اوقات حزنك او عصبيتك تقرا و ترتاح ... لحق وقت المغرب و جا المأذن يأذن مشا لبلاصتو و بداو يدخلو الناس كي تلمو كامل أقام الصلاة...
♥♥♥♥♥♥♥♥♥♥♥♥♥
يسرى : ســـيـــف !!!!؟ اميمة : سيف ولا منعرف وسمو خو منال . يسرى : متقوليليش رفضتي دك نضربك . قحرتلها اميمة : بااينااا نرفض معقد مريض نفسي كييفو 😑 حماسها و فرحتها راحو مع كلام ختها بقات تخزر فيها لحظات حازنة على حالتها و تكلمت : كامل بنات ليسي هابلين عليه و يحاولو يتسترو و يتسڤمو قد مايقدرو بش يعجبوه كي يجي يدي فرح و نروح معاها ڤع يحسدوني عليه .. متدين متثقف شباب و متربي وش تحبي كثر من هك !؟ اميمة حطت تيليفونها و تربعت مع ختها : وش نحب ؟؟ نحب راجل متفتح يضحك ويشايخ يخرجني نحوس فلي كورتاج يديرلي غناء و اومبيونص يخرجني من القوقعة لي راني عايشا فيها مشي الكلمة لي نقولهالو يقولي حرام و ممنوع على الطفلة فهمتي دووك ! يسرى : هه جربتي النوع لي يعجبك و شفتي فعايلو مش حتى نوصفهولك . اميمة رجعت لقعدتها تكونيكثي : اذا كملتي كلامك و ديتي اجابتك تقدري تخرجي . تنهدت يسرى و خرجت تبعتها اميمة تجري قفلت باب شمبرتها بلمفتاح و سندت عليه تبكي ...
🔮 جام للحلقات + رايكم + توقعاتكم 🔮
Rất tiếc! Hình ảnh này không tuân theo hướng dẫn nội dung. Để tiếp tục đăng tải, vui lòng xóa hoặc tải lên một hình ảnh khác.
