الــحــلــقــة الـــــسادســــة و الـــســـبــــعــــون بــــــارت 2:
الام:هكدا تخلصنا من العار....
العمة:المرة الجاية كي تعرفي بلي طفلة في كرشك اجهضيها متستنايش انو تولد وتتعذبي معاها....
الام:ايه احسن والله....
العمة:هكدا مراح تولي تتورا بالصبع مراح تجيبنا الهدرا....
(بون مكاش لي تقلي مكاش منها🙂باسكو غير كيما سمعة بقصة في الجزائر كيما هدي😌)
طفل في عمر 7 سنين متخبي مورا الباب سمع كلش وشاف كلش...دموع في عينيه دارو طريق....رغم صغير سنو بصح قدر يفهم شوي....ورغم انو صغير بصح دار احلام كبيرة مع ختو....دار بلي راح يرجعها طبيبة ويوقف معاها ويكون سندها وكي تكبر هو يولي يديها الابتدائية....بصح لسوء الحظ تقتلت وقدام عينيه....ومنقدرش اني يحكي باسكو ببساطة راح يرجعوه كذاب وتاني مدام قتلو ملاك ماشي بعيدة يقتلوه....
#End_Flash_Back
سالم:كان جيتي حية وسمعتي لحكاية تقولي خياتك زوج كيفاش رآهم عايشين....انا لدوكا ومانيش عارف كشغل معجزة من عند ربي....وزيد عمتي رحلة لبلاصة بعيدة ويما وحدها وزيد فاميلتي كان ضال تماك مقدرتش....
بلع ريقو بعد متفكر هدا الكم الهائل من ذكريات دار في بالو بلي نساهم....
سالم:تصدقيني كان نقلك خفت....ايه خفت على بنتي والاكثر عليك وزيد جات عمتي يقدرو حتى انو يقتلوك....علبالي بلي راني راجل ونقدر ندافع عليكم بصح ملڨري شريرة وملڨري كلش بصح تبقى يما....لي سهرت عليا وحملتني 9 شهر وبكات عليا.... تبقى نفسها لي قتلت ختي بصح منقدرش نحقد عليها....وفي نفس الوقت خفت عليكم....اسمحيلي نهار لي عيطت عليك كانت مورا الباب تسمع وعرفت بلي عندك طفلة كنت حاب نطيح كيفهم باش متتأذواش....قلت نبعدكم عليهم حتى تولدي وتجيبي بنتنا ونرجعك لدار وانا لي نحميك رغم أنفهم....بصح ونتي حامل نقدر نغفل عليك دقيقة يطبعوك ولا يديرولك شي في الاكل....اسمحيلي بزااااف بلاك يبان ماشي عذر بصح هدي هيا....وعدي ليك حبيتك نتي ونبقى نحبك ومحال نحب غيرك....
بقى عند قبرها مدة من الوقت يحكي ويفرغ في قلبو... حتى لحق ليل ناض راح لطونوبيل ورقد فيها ليل كامل....
أنت تقرأ
عاهرة الامام(كاملة ❤️)
العاطفية🌙رمـــــــــــــضـــــــــان كــــــــــريــــم ومـــــــــــــبـــــــــــــارك🌙 ♨️كـــــــــــرونـــــــــــيـــــــــــك قـــــــــــصـــــــــــير♨️ ❌#لا_يحلل_النشر_بتاتا_بدون_اخذ_اذنا_شخصيا_ونقل_كل_شيء❌ ✒️قــــــيــــــد الكــــــتــــــا...
