عاهرة الامام(كاملة ❤️)

87

🔥 عـــاهــرة الإمـــــام 🔥

✏ ســــارة & بـــخــتــة ✏

الــحــلــقــة الـثـالــثــة و الأربــعــون :

وقفين قدام باب غرفتها التوتر سيد الموقف .. ياسمينة قاعدة جنب فتيحة تهديها و بختة واقفة دموعها يطيحو بصمت قدام باباها لي رايح جاي مقلق و متوتر .. رابح قربلو و حط يدو على كتفو ..

رابح : متقلقش روحك استغفر ربي و دعيلها تخرج سالمة .

رفد يديه يدعي فالوقت لي تفتح الباب و خرج الطبيب ..

الطبيب : المريضة فاتت مرحلة الخطر .
فتيحة حطت يدها على قلبها و نطقو كلهم بكلمة وحدة : الحمدلله .
الطبيب تنهد : جبتوها فالوقت المناسب كون توخرتو شويا كونا فقدناها لا قدر الله قدرنا ننقذوها بصعوبة ..
فتيحة : و لبيبي ؟
الطبيب : بخير نقذناه .
فتيحة : الحمدلله الحمدلله .
باباها خزر فالطبيب يستناه يكمل : بصح ....
الطبيب : كاين اربع احتمالات في حالتها يا اما تكمل فترة حملها يسلكو على خير الاثنين .. يا اما تولد قبل الوقت تسلك هي و يروح لبيبي يا اما العكس يسلك لبيبي يا اما نخسرونم في زوج و الاحتمالات الاربعة نسبة حدوثهم طالعا .

فتيحة طاحت علارض تبكي و تعيط و ياسمينة هبطت معاها تهدي فيها .. و باباها واقف عينيه ميرمشوش من الصدمة حالتو مكانتش خير من حالة بختة لي وقفت مصدومة و الطبيب كمل ...

الطبيب :متقلقوش رواحكم بعدو عليها التوتر و القلقة محتاجة راحة واضح الايام لي فاتو تعبت بزاف مع حملها صعيب اما دوك لازم تعس روجها و نتوما معاها عدد خطواتها محسوبين متخلوهاش تغيب من عينيكم .. الليلة تبقا وحدها ممنوع تدخلو عندها و غذوا كي تفيق نشوفوها .. ربي يسكلها على خير عن اذنكم .

راح الطبيب و خلاهم حالتهم حالة .. جاو ممرضات وقفو فتيحة كانو رح يديرولها مهدئات مقبلتش حبت تبقا مع بنتها و هاذ الشي ممنوع بسيف قدرو يقنعوها و يخرجوها من تم خرجت بجسدها و خلات قلبها و عقلها عند بنتها ..