♥ الــحــلــقــة الــواحــدة و الــعــشــرون تتمة 02 ♥تقشر فلخضرا بش تطيب لعشاء و صورية تقطع و تحكي ...
صورية : أميمة متنسايش نهار السبت لجاي تعقدو .
أميمة : وشمن سبت !!!
صورية : ليوم اربعاء السبت هذا لالا لي بعدو .
أميمة : شكون حط هاذ لاداث ؟
صورية : سيف لبارح عيطتلي ياسمينة خبرتني .
أميمة رمات لموس و وقفت : و لاه ميسقسوش على رايي ولا انا شجرة ! يقررو و يخططو و يجو يخبروني نسيتو بلي اناا لعرووسة انا لي حنتزوج و عندي الحق نخير لاداث لي تساعدني .
صورية : لسانك طوال غير نقصي فيه مزال متفاهمناش على تبهديل لي درتي في الخطبة مزاىكي تعيطي و تحكي مكيش حاشمة من حالتك !
أميمة : نحذم كي ندير حاجة عيب مش كي نحكي لي في قلبي و نتي يا ماما اول وحدة علابالك بلي منحبش نخبي في قلبي الحاجة لي تجي في بالي نهدرها يعني متتصرفيش كيشغل متعرفينيش و اول مرة نديرلك تبهديل ياسمينة و عايلتها يعرفوني طفولتي فوتتها عندهم كتر من هنا يعني بلا اسطناعكم و بريستيجكم بسك منحبوش هذي الاولى و الثانية عندي حق نرفض كيما عندي حق نخير لي يعجبني انا هي لعرووسة .
صورية : صحا مدامك موالفا بالتبهديل معاهم و تربيتي عندهم روحي قوليلو لهدرا هذي لاه تعيطي عليا انا ولا تحشمي منو و متحشميش مني .
اميمة : نحشم منو ! هاتي تيليفونك دك نحكي معاه .
رابح دخل : بنتي معجباتكش لاداث لي حطها ؟ تحبي تبدلي عندك تاريخ في راسك ؟
مشات ليه اميمة سلمت على راسو : لالا بابا مساعدتني ربي يخليك .
رابح : فهمتك .. كيما قولتي عندك الحق تخيري لي يعجبك نرمالمو يسقسو على رايك قبل يقررو خلاص بنتي متقلقيش روحك ارتاحي و لعشيا نحكي مع خالد .
أميمة : لاالااا بابا معليش راني مرتاحة متحكيش معاه .
رابح : و بلاك ....
أميمة : صحيت بابا .
صورية : خلاص رابح راهي تتدلل .
رابح : من حقها تتدلل راهي عروسة .أميمة تبسمت و كملت خدمتها شويا و دخلت يسرى مشات سلمت على باباها و ماماها ..
يسرى : السلام عليكم .
الكل : و عليكم السلام .
رابح : وشراكي بنتي مع لقرايا ؟
يسرى : الحمدلله بابا ليوم فات ثقيل شويا مي الحمدلله .
رابح : الحمدلله اطلعي رتاحي مالا باينا تعبانة .
يسرى : متحتاجيش مساعدة ماما ؟
صورية : لالا بنتي راهي معاي اميمة اطلعي برك نتي .
يسرى : صحا مالا نروح نرقد .خلاتهم و طلعت دوذت تريح اعصابها و لبست بيجاما نشفت شعرها و رمات روحها على سريرها تخمم في خطتها لغذوا جبدت تيلبفونها تأكدت من حاجة و رقدت خايفا على صحبتها في نفس الوقت مرتاحة شويا كي حتنقذها ...
🔮 جام + رايكم + توقعاتكم 🔮
ČTEŠ
عاهرة الامام(كاملة ❤️)
Romance🌙رمـــــــــــــضـــــــــان كــــــــــريــــم ومـــــــــــــبـــــــــــــارك🌙 ♨️كـــــــــــرونـــــــــــيـــــــــــك قـــــــــــصـــــــــــير♨️ ❌#لا_يحلل_النشر_بتاتا_بدون_اخذ_اذنا_شخصيا_ونقل_كل_شيء❌ ✒️قــــــيــــــد الكــــــتــــــا...