اميمة : موووحاااال غير هو مندييهش ديجا شكوون قالكم نحب نتزوج كل يوم تجيبولي عريس هااخطووني خلووني نعيش حياتي . صورية : وش من حياة راكي تحكي عليها يااطفلة اذا هذي تسميها حياة نتاجاتك بديارهم و ولادهم هانيين و نتي راجل طيرتيه و تحبي تطيري هذي اماا خلااص جااك رااجل سيد الرجال تحطي خمسة على فمك و تتزوجي . اميمة : تعايري فيا كي مطلقة اماما لحقت بيك للدرجة هذي !!!!! زواااج منتزوجش و هذا آخر كلامي . صورية : لقيتي لي يلمك و تتشرطي ختك الصغيرة قريب تتزوج و تولي بولادها و نتي قاعدة شوكة فحلوقنا . اميمة : اقفلي الباب كي تخرجي . صورية : صحاا متسمعيليش ! دك نحكي مع باباك يتفاهم معاك . مقيمتهاش حطت لكيث في وذنها تسمع فلغنا و تكونيكثي ضاربة الدنيا بركلة ... مفاتوش غي دقايق قلال وقت تفتح الباب و دخلت طفلة كي شافتها ضيقت عينيها و جرات جبدتلها لكيثمان .. يسرى : شحاال من خطرة قاللنا بابا منسمعووش غناء ! اميمة : يسرى حمبوك اخطيني اذا جايا تكملي وش بدات يما غير روحي بسك منيش حنبدل رايي . يسرى قعدت قدامها على السرير متربعة : وش قالت مااماا ؟؟ اميمة خزرت فيها : معلابالكش؟ مسمعتيش عياطنا ؟ يسرى تبسمت : قالتلي ماما متدخليش رجعت لشمبرتي . اميمة : طخخخخ عاقلة و تسمعي لكلام تاني . يسرى : هفف احكيلي . اميمة رجعت تكونيكثي و تحكي بعدم مبالاة : وليد عمك خطبني . يسرى : وليد عمي ؟ ....... ســـــيـــف !!!!!؟
♥في نفس الوقت في دار وحدوخرا ... قاعد قدام باباه لي يقرا فلجرنال و يشرب في قهوة ... سيف : بابا راه قريب وقت المغرب لازم نروح للمسجد. حط الجرنال علاطابل قدامو ترشف من قهوتو و سڤم قعدتو يخزر في وليدو ... خالد : بلاك مراحش يعجبك وش حنقول مي لازم تسمعلي و تخمم في كلامي .. سيف : اتفضل بابا احكي هاني نسمع . خالد : اميمة بنت عمك ... علابالك تطلقت من شهرين متفاهمتش مع راجلها اصلا نعرفو عايلتو شويا شويا ملول متوقعين تصرا هك .. سيف : علابالي حترجعلو ؟؟ ولا خطبوها ولا وش😕 خالد حمحم و كمل : عمك سمير خايف عليها من هدرت الناس تزوجت صغيرة و تطلقت في عامها بلا ولاد راك عارف مجتمعنا ميرحمش على هذي خممنا مليح مع بعض و ...... خطبناهالك . كان يسمع في كلام باباه بإهتمام حتى لحق لآخر كلمة وقف مخلوع ... سيف : وشنووووو؟؟؟؟ خالد : اقعد سيف خليني نكمل . سيف : كيفاش هذي خطبتوهالي بلا متسقسوني ولا تعرفو رايي . خالد يحكي بذكاء : رايك معروف باينا مراحش تخلي باباك يغضب عليك ليوم الدين .
🔮 جام للحلقات + رايكم + توقعاتكم 🔮
🖤 اميمة 🖤
Oops! This image does not follow our content guidelines. To continue publishing, please remove it or upload a different image.
