عاهرة الامام(كاملة ❤️)

79

♥ الــحــلــقــة الأربــعــون تتمة 02 ♥

#عايدة_تحكي

فات شهر ملي رجعت لدار بابا ولا خليني نقول تحاوزت 💔 دموعي منشفوش كل ليلة نغرق وسادتي .. عيطتلو شحال من خطرة يقفل في وجهي و اخرتها حطني فروجوتي .. عيطت لعجوزتي بسيف بش رفدت عليا ..

🔁Flashback ..

عجوزتي : وش يا ### وش من وجه بقالك تعيطي بيه ااه ؟ كسرتي راس ولدي و حتهبليني انا ثان !
انا نبكي : خالتي اسمعيني تعيشي اعطوني فرصة نصحح الغلطة ...
عجوزتي : كيفاش تصححيها ! تولديها و تقتليها ؟ و يقولو مرت وليد خيرة قتلت بنتها ؟ .. خلاص المكتوب بيناتكم نهار هزيتي بلي في كرشك و دوك امسحي نوامرنا متقلقيناش مابين تلحقلك ورقة الطلاق و كل واحد في طريق .
انا : خالتي بصح ......

تن تن تن ... مسمعتش كلامي و قفلت في وجهي سييت عيطتلها موراها واالو مترفدش و سلافاتي في ثلاثة كيفكيف ..

🔀 Back ..

لحقني قشي بعدها كنت في دار خالتي نعاونهم في العرس قالتلي ماما جابو خوه و راح ديراكت بلعاني خيرو ذاك اليوم منكونش فيه .. كرهت روحي و كرهت لي في كرشي وليت نحاول بكل الطرق نتخلص منها نتعب روحي نخدم بزاف لحقت بيا نغسل فبلافو دار خالتي غير بش نطيحها .. دارولي عقدة في حياتي عقدة لبنات .. كيفاش نفهمهم بلي مش بيدي و بلي مكتوب ربي .. كيفاش نفهمهم بلي مش غلطتي و مش اختيار مام انا حبيت طفل وريث العايلة كيما يسموه اما تخطيطاتنا وحدهم مكاتيب ربي وحدهم .. كيفاش نفهمهم بلي لبنات نعمة و مكاش فرق بين طفل و طفلة .. اما قبلها لازم نقتنع بيها انا و لازم نفهمها و ندخلها راسي .. تزوجت عن حب كنت نحبو و نعشق فيه و هو كيفكيف كونا عايشين احلى يامات مع بعض كي نروح لدارنا نحب نبات ليلة معاهم نلقاه جاني في نص الليل يقولي منقدرش نرقد بلا بيك .. اما امو دخلت في دمو  بفكرة الوريث .. مخبرت حتى واحد على السبب من غير ماما و الباقي عرفو بلي تفارقنا اما السبب مجهول ..
لحق عرس اميمة نسيت شويا همي مع التحضيرات و الفرحة مالقري هي بروحها مكانتش فرحانة حتى هي عندها معاشت و عندها مشافت في زواجهت الاول اما الكل متأكدين بلي سيف غير سام و بلي غير هو ينسيها في ماضيها .. فات العرس هايل مالقري بلا غناء و حنا موالفين بلونبيونص في عراسنا مي عادي هك خير مكنتش ناقصة صدع الراس .. تعبت بزااف ليوم جيبي هذي و حطي هذي و بلعاني خيرت غير لخدمات الصعاب و لي فيهم حركات .. عندي فكرة في راسي كي نطيحها نقدر نرجع لداري و يرجعلي راجلي ... خطتي نجحت اما تألمت و بزاااف سطر غير طبيعي يضرب في كرشي وقت هبطت من الطوموبيل مكنتش حابتهم يعاونوني حبيت نكمل و نطيحها .. و مع دخلت لدار مزت فقت لحاجة ...


🔮 جام + رايكم + توقعاتكم 🔮

وش تقولو يصرا مع عايدة زعما يطيح لبيبي ؟ و يرجعلها راجلها ؟؟؟ توقعاااااتكم 🙆