شاف فيها وتبسم.... رابح: اقعدي قدامي.... شافت فيه وهبطت راسها وراحت ليه.... رابح:شوفي فيا.... طلعت راسها ودموع في عينيها.... رابح:شوفي مانيش حاب نجبرك ادا ماكيش حابة عادي قوليلي مكاش لي راح يجبرك.... اميمة:راني قابلة.... تنهدت وشافت في باباها... اميمة:اصلا وين راح نلقى راجل كيفو....ومن لفوق راضي عليه بابا....مانيش حابة نعاود نفس الغلطة تع بكري... رابح: نحبك هكدا ابنتي....وكي تصلي قولي ياربي لي فيها خير قرب ولي فيها شر يبعد.... شاف فيها وجا راح يوقف شداتو من يدو وعينيها تعمرو دموع بصح شدتهم بالسيف....متحبش تبكي قدام اي واحد باسكو حاسبة بلي هدا ضعف تحب تكون قوية قد متقدر بصح كي تتفكر بلي خانت باباها تحب تقتل روحها.... اميمة:بابا.... شاف فيها وشد وجها.... رابح:انساي.... اميمة:كيفاش.... رابح:ربي غفور رحيم....وعلبالي بلي غلطتي وقلبك لي خلاك توصلي تماك.... بصح الحمدلله ربي كشفو ليك الحمدلله مطولتيش معاه.... شدها من كتفها وقعدها فوق المطرح.... رابح:انا واثق في وليد خويا بلي كان يصرا واش يصرا مراحش يسمح فيك مراحش يخليك مراحش يسمح بدموعك يطيحو....وعلبالي غير فكرة الطلاق مراحش يقبلها ولا يديرها باسكو الطلاق هو أبغض الحلال وهو عارف الدين ويعرف بلي الطلاق أكره حاجة حلال عند ربي يعني متأكد بلي مراحش تطلقي.... بصح منعرف هدي دنيا راهي مكاتيب راه متعرف فيها والو....اعرفي حاجة كان يصرا واش يصرا دار باباك توجور مفتوحة ليك....اعرفي بلي باباك راح يوقف معاك في كلش....وراح نبقى نواجه الناس علجالك ونقول هدي بنتي... حتى وكان بنتي لي كسرت ظهري بصح راح نبقى ندافع عليك ونقول بنتي يالوكان نوصل اني نتكأ على عصى من كتر متكسريني بصح راح يبقى موقفي هو نفسو... غير سمعت هدرت باباها تفجرت بالبكى....صعيبة تخوني ثقة باباك بيه سورتو ادا كان يواجه العالم كامل علجالك....سورتو ادا كان يقول هدي بنتي ويفتاخر بيها ويمشي وراسي مرفوع ويقول لناس هديك بنتي....والناس يقولو تعرفو هديك بنت فلان مشاء الله باباها عرف واش يربي....هدي الهدرا بالنسبة للاب راهي فخر كبير...بصح كي يكون يمشي ويسمع الناس يقولو ايه هدا لي بنتو تزوج بالغصب عليه.... هدي لي بنتو هربت مع فلان....هدا لي بنتو حكموها مورا ليسي مرندفة....ماشي هدي نفسها لي كانت تخرج مع فلان وفلتان هدي الهدرا راح تخلي الأب يمشي مهبط راسو باسكو صعييييبة بزاااااااف....بلعت ريقها باش تحكي أميمة:....
Oops! This image does not follow our content guidelines. To continue publishing, please remove it or upload a different image.
