رابح:يسرى.... يسرى:نعم بابا.... رابح:نهار لي جات اميمة لي دنيا تماك تولد وليد عمتك سارة....تماك عمتك ضبحة كبش وكامل رحنا ليها باسكو كان السبوع تاعو قبل سبوع تع اميمة بحكم كبير عليها ب3 ايام....نشفى عمتك وراجلها ذبحو كبش على وليدهم حضرنا والعائلة كامل حضرت فرحت معاهم باسكو يبقى وليد ختي.... جازت 3 ايام ودرت سبوع تع اميمة كامل توقعو انو منذبحش كامل توقعو انو ندير ماكلة بالجاج برك باسكو هيا طفلة وعندنا مكاش علاش تذبح علجال طفلة....علبالك واش ذبحت عليها في هداك نهار ذبحت عليها بقرة كبيرة....اني شافية كي جاو شافوها كامل تخلعو باسكو تماك مكانش عندي دراهم وهدوك دراهم كانو اخر واش عندي لدرجة يماك وصلت باعت ذهبها علجالي وعلجال اميمة....بصح مهتمينا بوالو غير بفرحة بنتي....كامل شافوه تبذير ايه كامل شافوه تبذير بصح علبالك كان جات اميمة طفل وذبحت عليه كامل تجيهم عادي بصح كي طفلة جاهم تبذير....تعرفي هداك نهار عمتك سارة اول مرة ترفد صوتها عليا تقلي كيفاش هدي تذبح عليها بقرة لي علجال راجل ومذبحتهاش....علبالك واش قلت انا في هديك دقيقة وشكون قال بلي انا مذبحتش علجال راجل....اه صح انا جبت طفلة بصح راح نربيها في دار تكون مرآة وبرا تكون راحل...تعرفي واش معناها راجل يعني راح تكون الطفلة لي قبل مدير اي حاجة تخمم في شرف باباها تخمم في باباها....وكنت واثق بلي راح يصير هكدا.... بقات تسمع وهيا متبعة معاه باسكو اول مرة يحكي حاجة ومعرفتش اصلا علاش رآه يحكي دوكا.... رابح:نهار لي أميمة جابت سام وقالت هدا يكون راجلي وتحداتني....نهار لي عرفنا بلي كان تخرج معاه كانت معاه في الحرام....كانو في علاقة غير شرعية جات ليا سارة قاتلي جملة مزالت في بالي دور باسكو صح طيحتلي كتافي.... "اه خويا راني نشوف فلي لداخل مرأة وبرا راجل اني نشوف فيها مليح..." قالتها بسخرية تماك حسيت كشغل جبل ترما فوق ظهري حسيت بوجع كبير منقدرش ننساه ولا ننكرو باسكو شعور كان بزاف صعيب منقدرش نوصفو بصح الحمدلله دوكا اميمة عرفت غلطتها ودوكا راح تتزوج بواحد يقدس المرأة واحد راح يكون كيما باباها ماشي زوج برك....علبالي ماكيش فاهمة واش راني نحكي بصح حبيت نوضحلك بلاك صح يجي نهار وضني فيكم يتخرب بلاك ثقتي تتوشا منكم بصح راح نبقى باباكم لي يحبكم راح نبقى نفس الاب لي قلت جبت اميرات يطلعو براسي....وليوم كي قلتي نحب نكون أستاذة تع شريعة معلباليش علاش بصح حسيت واش قلت على اميمة راهو يخرج فيك وراح تكوني الطفلة لي طول حياتي نتمناها.... عنقت باباها وهيا ميتة بالسعادة....باسكو باباها فتحلها قلبو ومن لفوق فخور وراضي بيها....واش تتمنى كتر من هكدا....
🔮 جام للحلقات + رايكم + توقعاتكم 🔮
Oops! This image does not follow our content guidelines. To continue publishing, please remove it or upload a different image.
