عاهرة الامام(كاملة ❤️)

107

🔥 عـــاهــرة الإمـــــام 🔥

✏ ســــارة & بـــخــتــة ✏

الــحــلــقــة الـرابــعـة و الـخـمـسـون :

مصطفى : ميييدووو ويرااك ياطفل .
سعيدة خرجت ملكوزينة : وش كاين امصطفى غير الخير ؟
مصطفى : ويراه وليدك رح تبدا صلاة الجمعة .
سعيدة : دك نشوفو .

طلعت سعيدة لغرفة ميدو طبطبت مسمعتش رد فتحت الباب ضربتها نسمة باردة و الغرفة غارقة فالظلام ..
سعيدة : اخلاايااا مزالك راقد و باباك يستنا فيك تروح معاه للصلاة .. ميدوووو نوووض ياااطفل نوض .

مشات للتاقة فتحتها دخل الضو .. جبدت لكوفيرطا من فوقو رماتها و بقات تحوس على تيليكومونظ تع لكليماتيزور و تعيط عليه .. طفاتو و مشات تهزهزه فيه و تعيط حتى ناض ..

ميدو : وشكاين ماما لاه تنوضي فيا دوك الليل كامل مرقدتش .. قفلي التاقة و خرجي خليني نرقد .
سعيدة : انندب وش ترقد دوك راهي 12 نوض تروح مع باباك للمسجد راه يستنا فيك .
ميدو جبد لكوفيرطا عليه : نصلي فالدار خليه يروح .
دخل مصطفى : بعتتك تعيطيلو بقيتي هنا .. مزااااالك راااقد !!!

سعيدة حطت يدها على فمها خايفا من لجاي و ميدو متحركش راقد و مبرد اعصابو .. رفد مصطفى قرعة ماء صبها عليه كامل وقف مخلوع ..

ميدو : باااابااا وش درتتتت ؟؟؟
مصطفى : الصلاة بداات و السبع تاعي راقد امشي غسل حالتك و لبس قميص نمشو للمسجد .
مسح وجهو بيدو : نصلي فدار لاه جايبينها موراي خلوني نرقد .
مصطفى : شوف اسيدي ! يصلي الجمعة فدار .
ميدو عقد حواجبو : الجمعة !!
مصطفى رما عليه القرعة ضربتو في راسو قدقد : ايه الجمعة من نهار جيت و انا غافل عليك نروح وحدي و نصلي وحدي حاسبك تجي من وراي و نتا تصبح راقد عندي خروف فدار مش راجل .. نعطيك عشر دقايق تدوش و تلبس و تهبط .
ميدو : منيتك بابا عشر دقايق ندوش ! اوموا عشرين دقيقة .
مصطفى : قحرلو تتوخر شوي تشوف لي ميعجبكش .
سعيدة : يامصطفى خلي الطفل براحتو .
مصطفى خزرلها : نتي تسكتي متحليش فمك راحتو لي خليتيهالو هي لي هلكتو قريب جابلنا بنت حرام لهنا ولا نسيتي !
ميدو : مش لاااازم كل دقيقة تفكرووني اسيدي ربي خلوووني ننسا .
مصطفى رفد القرعة و عاود رماها عليه : صوتك ميعلاش عليا صووووتك ميعلاش .