عاهرة الامام(كاملة ❤️)

177

⁦♥️⁩عـــــاهــــــرة الامــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩ الحــــلــــقـــــة 98 ♨

دموعها طاحو مقدرتش تحكمهم اكثر .. حطت يديها على صدرو تبعد فيه و تعيط ..
اميمة : نكرهههك نكرهههك بعدد علياا نكرههك .
بقات تضرب فيه اما مقدرتش تحركو كأنو حجرة قدامها (ياجبل ماتهزك ريح😂) .. حط يديه على يديها و لز على سنيه ..
سيف : الكلمة هذي معادش تقوليها ..
اميمة تتحرك تحتو و تحب تبعد عليه : علااه تديرلي هك علاه متخلينيش براحتي لااه تحبني نتبدل و نكون اميمة لي في راسك انا مش الطفلة المثالية لي راسمها في عقلك و منيش حنكون كيفهاا اخطيني بعدني .
سيف : اششششت خلااص سكتي منحبش نسمع صوتك ..
أميمة بلعقت ريقها و رجعت تحكي بصوت اخفت ملي كانت عليه : نكرهك سيف .. نكره....
حط يدو ورا رقبتها و جبدها ليه حط شفايفو على شفايفها ... جمدت و يديها حبسو فوق صدرو .. تشوف فيه قافل عينيه و منسجم للخر .. يبعد عليها ثانيتين و يرجع يتفنن على شفايفها .. جمعت كامل قوتها و دزتو مع كان في اضعف حالاتو قدرت تحركو بسهولة بعد عليها و هي وقفت تلهث و الدموع في عينيها .. رجع قربلها حط يدو على نصها و جبدها ليه و هي تتحرك تحب تبعد ..
أميمة : وش راااك تديير بععد عليااا .
سيف يحكي بجدية : اميمة ليوم نوضتي الوحش لي داخلي .. جامي تقلقت و جامي رفدت يدي على مرا و معاك درتها بسك راسك قاسح و متسمعيش لهدرا و فوقها تديري دي جاست عيانين .. صدقيني اذا بقيتي بهاذ الراس و بهاذ العقلية تشوفيني توجور هك و تنساي سيف لهادي لي يتعامل غير بالحسنة .. سييت الاسلوب الهادي ممشاش معاك ...
أميمة هبطت راسها : طلقني نرتاحو في زوج .
سيف : كلمة طلاق منحبهاش تتعاود قدامي .. ديري لي تديري عيطي و كسري و تعراي و بهدلي بيا منطلقكش الاحسن  تركحي روحك و توالفي وضعنا متعييش روحك و متعيينيش معاك .
بعد عليها و كان خارج حبستو تحكي بهدوء ..
اميمة : رجعني لدارنا .
سيف تلفتلها : ياك قولتلك مراحش نطلقك ..
اميمة : و انا مقلتلكش طلقني قولتلك رجعني لدار بابا نبقا يامات تم .
سيف : نخمم .
اميمة وقفت : نحب نروح دوك اديني .
قحرلها : قلتلك نخمم .
سكتت و قعدت على السرير كي شافها مزادتش معاه كيف عادتها و مطولتش لسانها تنهد و فوت يدو على وجهو و شعرو ..
سيف : لبسي و مسحي لي على وجهك و هيا تروحي .

🔥 جام للحلقات + رايكم + توقعاتكم 🔥

⁦♨️⁩ الحــــلــــقـــــة 98 بـــارت 02 ♨

الطبيبة : متتقلقيش مدام هذي حمى عادية بلاك ضربها شوي هوا مع هي صغيرة جسمها متحملش .. رانا درنا اللازم و من الاحسن تبقا الليلة هنا حتى تهبطلها و ترجع صحتها تقدري تديها .. ربي يجيب الشفاء .
حركتلها راسها و عينيها على ملاك .. راحت الطبيبة و هي قعدت قدامها تمشي صبعها على خدها و الدموع في عينيها ..
انتصار : تولي مليحة بنتي متخافيش اني معاك .. باباك وصاني عليك و خلاك امانة عندي و انا منخونش الامانة منرجعك لدار غير و نتي بصحتك و خير من كونتي .
تنهدت و جبدت تيليفونها تعيطلو لقات تيليفونو طافي .. طبطب الباب و تفتح طل عليها فؤاد ..
فؤاد : معليش ندخل !!
انتصار : اتفضل .
تبسملها و قرب لملاك لقاها راقدة كانت صح ملاك اسم على مسمى ..
فؤاد : وشراهي ؟ هبطتلها السخانة ؟
انتصار : ايه خير مقبيل مي مزالت شوي ..
دنا ليها باسها و وقف قدامها و الصمت سيد الموقف .. فات شويا وقت الاثنين يشوفو لملاك و يخممو في حوايج مختلفين .. الدنيا صغيرة صح شكون قال فؤاد يقابل مرت سالم و بنتو بنت عايدة فالحالة هذي وسط الغابة .. فتحو فمامهم في وقت واحد يحكو ..
انتصار : مير....
فؤاد : وقتا....
خزرو في بعض و تبسمو ..
فؤاد : احكي نتي لولا .
انتصار : لالا احكي نتا منبعد انا .
فؤاد : وقتاش قالت الطبيبة تقدرو تخرجو ؟
انتصار : حتى تولي لحرارتها الطبيعية يعني ممكن نبقا هنا الليلة .
فؤاد : همممم .. كون نسقسيك سالم ويراه و كيفاش لحقتي للغابة متبقاش تدخل !!
هبطت راسها تفرك في يديها و دموعها على طرف شفارتيها ..
انتصار : سالم خرج الصباح مولاش لدوك و ميريبونديش عليا بسك وصاني منعيطلوش كي يخرج .. و بالنسبة للسؤال الثاني كنت فالغابة بسك دارنا تم .
استغرب شوي اما حاول يكون طبيعي و ميزيدلهاش هم على همها باينا طفلة مغبونة و قلبها معمر من نظراتها يقدر يفهم حزنها و انكسارها .. طلعت راسها و حاولت ترسم ابتسامة صغيرة على شفايفها ..
انتصار : ميرسي خويا كي حبستلي مخليتنيش وسط غابة و جبتني هنا و من فوقها قعدت معاي مخليتناش وحدنا ميرسي بزااف بزااف .
فؤاد : واجبي و اي واحد بلاصتي يدير لي درتو ..
انتصار : مي تقدر تروح دوك منعطلكش على شغالك و داركم يتحيرو عليك رانا ملاح .
فؤاد تنهد و قعد على كرسي مقابلها بخزر لبعيد ..
فؤاد : مكاذلي يتقلق عليا .. دارنا راحو لدار عمي .. خطبة بنت عمي ليوم ..
انتصار : ااه كنت رايح ليهم ! هفف عطلتك و فوتت خطبة بنت عمك ديزوولي ديزووولي .
فؤاد تبسم : لالا مكنتش رايح .
طلع راسو لفوق خذا نفس طويل و زير على يدو .. بلعت ريقها و سقساتو مترددة ..
انتصار : تحبها ..... !

🔮 جام للحلقات + رايكم + توقعاتكم 🔮

⁦♥️⁩عـــــاهــــــرة الامــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩ الحــــلــــقـــــة 99 ♨

وقفت قدام باب دارهم و تلفتت ليه .. كان واقف قدام الطوموبيل و عينيه عليها .. دخلت يدها في صاكها جبدت المفتاح و دخلتو فالباب .. فتحت الباب و رجعت تلفتت ليه لقاتو متحركش .. بقات واقفة تخزر فيه مش حابة تدخل و تخليه يروح متشوفوش لمدة مش عارفة شحال في نفس الوقت متحبش ترجعلو و تتخنق معاه و مع اوامرو .. الدموع تلمو في عينيها من جديد و بقات تبلع في ريقها خايفا يكون هذا آخر لقاء بيناتهم .. شافتو جبد تيليفونو و هبط راسو ليه كأنو يكتب في ميساج .. حبت تمشي تشوف وش راه يكتب و لشكون يبعتو اما مقدراش تتحرك تشد في روحها بسيف .. صونا تيليفونها ينبه على ميساج .. عضت على شفايفها و فتحتو ..
سيف : ادخلي .
طلعت راسها ليه اشرلها للباب ... هبطت راسها و كتبتلو ميساج ..
أميمة : متخافش منيش حنبدل رايي و نرجع ليك .
سيف تبسم و ردلها : فهمتيني خايف تقوليلي نرجع معاك مالا ادخلي متبقايش واقفة تم .
زيرت على شفايفها و قحرتلو : وقيل ناوي تجيب وحدوخرا تحطها بلاصتي كي المسلسلات و لي كرونيك البطلة تروح يامات لدار باباها كي تولي تلقا البطل تزوج عليها "هذي كي يكون البطل سلفي كيفك".
قرا لميساج و مقدرش يشد ضحكتو خزر فيها يضحك من قلبو ..
أميمة بصوت عالي بش يسمعها : تأكددددت صايي .
كان رح يمشي ليها ابري تراجع و عطاها بظهرو راجع للطوموبيل .. حركتو استفزتها و اكدت شكوكها .. جرات ليه و جبدتو من يدو ...
أميمة : كلامي صحيح !!
سيف : ممكن .
فلتت يدو و بعدت عليه : قولتلهم منتزوجكش بسك يجي نهار تقولي الشرع حلل ربعة و نحب نتزوج مصدقونيش و قالو سيف ميديرهاش ..
سيف بهدوء : منعرف وش مخبيلنا المكتوب .. اتهلاي في روحك اميمة و متكثريش الخرجات اكي عارفة بلا منظال نعاود .
خلاها و ركب في طوموبيل .. ضربت رجلها فلارض و دخلت تحكي مع روحها .. قفلت الباب و على صوتها خرجت صورية ..
صورية : شكوووون جااا ؟
كي شافتها سكتت و ملامحها تبدلو .. قربتلها اميمة و راسها فلارض ...
اميمة : ماما ...
صورية : وش جاابك بعد الفضيحة لي درتيها الله يفضح عرضك .
عينيها تفتحو عللخر من كلام يماها صح كانو توجور يتعاركو و يتسابو مي جامي لحقت تدعي عليها ...
صورية : كي طلقك راجلك و رماك وليتيلنا ! نعلبوه لي يجيب بنات كيفك .....
رابح هبط على صوت لعياط ..
رابح : صورية وش كاي....
سكت و وقف متحركش خطوة وحدوخرا .. جرات ليه أميمة و شدتلو يدو باستها ..
أميمة : بابا ساامحني ..
جبد يدو من يدها و قحرلها : طلقك !!
صورية : باااين طلقها و عندو الحق وش حيدير بوحدة كيفها و هو 1000مرا تتمناه اصلا ملول غلطنا كي ربطناه بيها ...
رابح : صوورية .