عاهرة الامام(كاملة ❤️)

186

⁦♥️⁩عـــــاهــــــرة الامــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩ الحــــلــــقـــــة 116 ♨

بعد عليها و عض شفايفو : نروح لخدمتي كيما قلتي كون نبقا هنا متفراش .
اميمة ضحكت : عندك الحق روح روح ... حقاا ليوم متخدمش تقدر تجي تديني بعدساعتين نكون قعدت مع بابا شويا و نروح نعاونهم للشوفة .
سيف : الشوفة اجلوها لغذوا .
اميمة : ااه اوكي .. مالا متجيش تديني حتى نعيطلك لعشيا .
سيف تبسملها : داكور متطوليش عليا .
باست صبعها و قربتلو حطتو على شفايفو و بعدت تجري و تضحك ..
اميمة : بااااااي .
بقا واقف ثواني يستوعب وش دارت كي استوعب و فهم تلفت لقاها دخلت و قفلت الباب .. ضحك و مشا ..
☁ اميمة تحكي ☁

منعرف وش صرالي و وشراه يصرالي احساس غريب و جديد عليا حتى مع سام محسيتوش .. الحاجة لي راني متأكدة منها هي اني تبدلت و بلي سيف قدر يحقق غايتو من زواجنا و بدلني و اكبر دليل هي الحشمة من وقتاش انا نحشم و نهبط راسي ؟ جامي صرات غير ليومين هذو .. سبحان الله شكون قال انا اميمة المتمردة الباردة لي ضارلة الدنيا بركلة تتبدل و تولي ملتزمة تصلي فالوقت تقرا قرآن و أذكار و حافظة أحاديث و تمشي بيهم و اهم حاجة لساني انقطع وليت نحكي برزانة كأني كبرت في عقلي ب بزاف عواام .. اما احساسي هو محط الاهتمام الاكبر .. احساس يهبل في نفس الوقت غريب عليا و يخليني نتصرف بطريقة اخرى غير طبيعتي .. دوك نقدر نقول بلي يامات سام كانو اعجاب مع شهوة .. اما حب سيف حب نقي طبيعي .. حب حلال بعيد على الشهوة و الرغبة يخليني نطير فالسماء و نكون ديما ايجابية ..
دخلت عند بابا قعدت معاه شويا ميمبا ساعة و طلعت لغرفتي بدلت قشي لبست جلبابي و هبطت سلمت عليهم .. خليتهم و خرجت شديت طاكسي ديريكسيون لدارنا راسمة خطط في راسي .. لبارح وعدتو فرحتو فللخر موفيتش بوعدي و كسرتو و لازم نعوضهالو .. هبطت من الطاكسي بعدما وفيت حقو و مشيت منين يقاري سيف طوموبيلتو لقيتها مكاش رتاحت و دخلت .. قابلتني ياسمينة و فرح فالباب لابسين باين خارجين ..
انا : السلام عليكم ..
ياسمينة و فرح : و عليكم السلام .
ياسمينة : وشراكي بنتي و وشراه باباك راه مليح ؟
انا : الحمدلله خير من لبارح .. خارجين وقيل ؟
فرح : ايه رايحين لداركم رانا نستناو في بابا يجيب طوموبيل من لقاراج .
انا : ااه اوكي .. وقتاش توليو ؟
ياسمينة : حتى لليل نسهروتم و نجو علاه كشما تسحقي !!
انا تبسمت : لالا سقسيت برك ..طاطا فؤاد راهو هنا ؟؟
ياسمينة : ايه في غرفتو .
انا : فرح معليش تطلعي تعيطيلو !
شفتهم استغربو مهتميتش فهمت وشراهم يخممو .. طلعت فرح عيطتلو و انا بقيت قدام غرفتو نستنا شويا و خرج ...
انا : سلام فؤاد ..
فؤاد راسو فلارض : و عليكم السلام اميمة وشراكي ؟
انا : الحمدلله .. فؤاد معليش نطلب منك طلب !
فؤاد: اطلبي اذا قدرت عليه ...
انا تبسمت : سيف ليوم ميخدمش بلاك راح يقضي ولا منعرف وين راح عيطلو اعرف وينو و امشي ليه لهيه 3سا شوفلو خدمة ولا حاجة المهم ميوليش .
شفتو تبسم و يسيي يخبي ابتسامتو باين فهم قصدي و انا كي لبهلولة نحكي معاه و حاسبة ميفهمش اصلا باينا و واضحة 🙈 ..
فؤاد : اوكي ظك نعيطلو اتهناي .
انا : يعطيك الصحة مييرسي بزاااف .