قاعدة على سريرها مقابلة لمرايا تتفرج في روحها لابسا روب (الصورة👇) ودايرا مكياج سامبل محبتش تكثر اما خرجت بوومبة 😍
الحفافة : بسم الله مشاء الله تهبلي خمسة و خموس منورة كي الوردة ربي يكملك .
أميمة : ان شاء الله ميرسي ختي .
الحفافة : ايا مالا مدامني كملت نروح ربي يهنيك .
أميمة : آمين يعطيك الصحة ♥
خرجت الحفافة و دخلت عايدة و سلمى و قمر (بنت عمتها) يغنيو عاملين جو ..
عايدة : الله يبارك حبي تهههبلي .
قمر : مشاء الله بنت خالي زلة الله يبارك .
أميمة : الله يبارك فيكم لبنات عينيكم شابين .
دخلت صورية و فتيحة (خالتها ام عايدة ) يزغرتو مشات صورية رافدة بواط ملح جبدت بيدها و رشت عليها ...
أميمة : مااامااة وشنوو هذاا خسرتيلي لمكياج .
صورية : هذا غير ملح ميخسرش لمكياج (هدرتها بنفس طريقتها) بش ينحي عليكالعين و الحسد .
دخلت يسرى : يهديك ربي اماما منين جبتيها هذي ! ياااا أميمة خرجتي تهبلي .
صورية : عادات متعرفيهمش .
يسرى : عادات تافهة و معندهاش فايدة .
فتيحة : ربي يبارك على بنيتي شابة تهبلي كون جاو عندي ولاد كون ملي طرت بيك كنة عندي شحال .
عايدة : كون عندي خوؤا منستناكش تخطبيها انا نخطبهالو .
صورية :ايا خلااص تخطبولي بنتي يوم خطبتها !
رابح : صوووورية يامرااا .
صورية خرجت تجري : خير ارابح وش كاين ؟
رابح :راهم قريب يلحقو خفي روحك .
صورية : كلش واجد رانا نستناو .
خرجو ورا بعض فتحو الباب كانت منال و فرح و سارة(اللفعة 😐) وياسمينة (مامات سيفوش) و سيف و خالد و فؤاد سلمو على بعض رحبو بيهم و دخلو للصالون ..
قاعدةو تيليفون في يدها تكونيكثي لي يشوفها ميأمنش بلي خطبتها ليوم و فاميلتو راهم في صالون .. ضاربة الدنيا بركلة تتفرج فليوتيوب و تضحك مع روحها ..
أميمة : نسقسيه وش راه صاري 😏
دخلت للانستا و بعتت ميساج لفؤاد "سست فؤااد كيفاش الحالة؟" .. ميمبا دقيقة ريبوندا عليها ..
فؤاد : دارو النساء وحدهم و الرجال وحدهم هفف كنت حاب نكحل على بنات خالتك الزلات .
أميمة : تفييه نعمييك اجدك راهم متزوجات .
فؤاد : قوولي والله هذيك الزلة مولات لي فوسات متزوجة !!
أميمة : سلمى ! متزوجة .. احكيلي برك وش صاري عندكم ؟
فؤاد : طار الحمام ... حكايات برك ااه عمي ناض رح يجيبك وقيل .
أميمة : بسييف حسبتهم نساوني ايا بااي .
رمات تيليفون بعيد و سڤمت قعدتها تلعب بيديها زعما متوترة شويا و دخل رابح بعدما طبطب ...
رابح :بسمالله مشاءالله ربي يبارك بنتي و يهنيكم .
أميمة تبسمتلو و وقفت : آمين بابا و يخليك لينا ♥
رابح طبطب على يدها : راكي واجدة !
أميمة : في كل وقت .
تبسملها كروشات فيه و هبطو ...
🍭 جام + رايكم + توقعاتكم 🍭
Oops! This image does not follow our content guidelines. To continue publishing, please remove it or upload a different image.
