عاهرة الامام(كاملة ❤️)

169

⁦♥️⁩عـــــاهــــــرة الامــــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩الحــــلــــقـــــة89♨️⁩

فتح الباب وهو شادها في يدو ومدخلها في صدرو خايف لا يقيسها ريح ولا كاش حاجة...غير فتح الباب ودخل راح يمشي حتى وصل لنص الصالو....لقاها راقدة وهيا قاعدة وشادة في يدها موس وفي يد لوخرا شادة موش تع بالي شاف فيها كيفاش راقدة معوجة شاف فيها ببرودة وجاز عليها....طلع لشومبرا لفوق دارها فوق المطرح سلم عليها كانت راقدة ورجع هبط....دخل راح لدوش وراح لكوزينة طيب قهوة شرب وراح لصالو قعد فوق الفوتاي وشد تيليفون وبقى يشوف فيه.... وهو يشوف مرة مرة يطلع عينو يشوفها... جازت ساعة حتى سمع صوتها بدات تنوض وهيا تنين...غير حلت عينيها دارت يد مورا ظهرها ويد مورا رقبتها لي حست بيها تشنجت من قوة الوجع...حركت راسها غير شافتو يشوف فيها صوطات من بلاصتها....

انتصار:وقتاش جيت...

شاف فيها ومردش هيا شافت فيه وقت وراحت غسلت وجها ورجعت قعدت قدامو....

انتصار:سالم...
سالم: نوضي بعدي عليا....
انتصار:كيفاش....
سالم:نحبك ديري ميناج للحالة ونحب على 12:30 الفطور يكون طايب....
انتصار:كيفاش...؟
ش
سالم:سمعتيني....

شافت فيه ودورت راسها لساعة لي كانت تشير ل10:30...يعني عندها زوج سوايع برك...

انتصار:زوج سوايع...
سالم:كان نضتي بكري كان راكي كملتي شغلك...

بقات تحرك في صبعتيها مع بعض....

انتصار:باسكو مرقدتش حتى ل6 تع صباح...

شاف فيها وعاود هبطو لتيليفون....هيا توقعت على الأقل يقلها علاش بصح هو والو....تنهدت وقفت راحت لكوزينة هيا لولا....

انتصار:اول شي نوجد الفطور أمبعد نديرو يطيب ونروح نلهى بالشغل بصح واش نطيب هو واش يحب واش ميحبش....ستغفر الله ياربي قدرني....

⁦♨️⁩ تـــــتـــــــمـــــــة الحــــلــــقـــــة89♨️⁩

لبست طبلية وراحت تشوف لفريجيدار لي بالحق كان معمر بكلش(توقعتو يكون فارغ😂) راحت جبدت الجاج مع جلبانة والحار والطوماطيش والسلاطة وبيض راحت دارت ڨراتا تع جلبانة ودرتها في الكوشة وطيبت في نفس الوقت الفريت مع البيض ووجدت بوحرور(يعني حار مع طوماطيش😪)ودارت سلاطة شافت الوقت كانت 11:20 يعني بقات ساعة و10 دقايق نفضت روحها تجري وراحت باش تبدا تسيق مزيا ومن زهرها الدار ماشي كبيرة بزاف فيها زوج ايطاجات الطاج الاول فيه زوج شنابر مع دوش والطابق لي لتحت فيه صالو مع كوزينة ودوش وتوالات وكان تخرجي تلقاي حديقة متوسطة في الحجم....قرت تبدا من لفوق حكمت بيدون دارت فيه الما مع جافيل وصابون وصانيبو وراحت طلعت بدات بشومبرا لي زعما شومبرتها هيا وسالم.... لقاتها ماشي موسخة قرت انها غير تمسح بالنشاف يعني ماشي بلبالي غير كملت راحت لشومبرا لوخرا لقات سالم هاز طفلة صغيرة وحاطة قدام صدرو...غير شافت في لول مفهمتش بصح صوت البيبي وهو يبكي لي خالها تشوف فيه كيفاش يحاول يسكتها بصح معرفش...

سالم:ملاكي هيا خلاص راهو باباك معاك راني هنا معاك...

غير سمعت هدرتو عرفت بلي بنتو لي وجها رجع حمر من قوة البكى راحت تجري ليها باش تهزها حتى حبسها بيدو....

سالم:بنتي متحطيش يدك عليها...

شافت فيه وتنهدت...

انتصار: شوف راح تموت بين يديك هاتها ليا هات انا بلاك نقدر نعرف وشبيها....

بقى يشوف فيا ثواني حتى حطها فوق يدي...

سالم:تصرالها حاجة ندفنك ونتي حية....
⁦
شافت فيه وتبسمت باش تقولو بلي متخافش وراحت ن
تشوف فيها....حطتها فوق المطرح وبدات تنحيلها في حوايجها لقات الكوش معمر (حشاكم...)

انتصار: كانت تبكي علجال هذي سبة....جيبلي الكابة ديالها....

غير جابلي بدلتها قشها كامل ومسمحتلها مليح وشفت فيه بعد مكانت حبست البكى...

انا:استنى نروح نوجدلها الحليب....

حرك راسو بايه وانا هبطت نجري لكوزينة نوجدلها وفي نفس الوقت نشوف في الماكلة....

⁦♥️⁩عـــــاهــــــرة الامــــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩الحــــلــــقـــــة90♨️⁩

طلعت تجري ليه لقاتو يلعب معاها وهو يضحك وسنيه لي مستفين على حياتها اول مرة تشوف ابتسامتو وضحكتو....

انتصار:اني جيتلها...
سالم:هاتي نشربها...
انتصار:كان تشربلها بزاف وتخنقها....

شاف فيها من لفوق للتحت....

سالم:مراحش تحبي بنتي كتر مني...
انتصار: علابالي بصح على الاقل خليني نشربها باسكو نت جامي شفت طفلة صغيرة ولا ربيتها بصح انا عادي مالفة...
سالم:سمعتيني واش قتلك...؟

شافت فيه وراحت مدتلو...هو هزها فوق صدرو وهز البيبرو🍼 ميلو شوي وبدا يشرب فيها بلعقل باش تقدر تبلع بلعقل وهو يشوف فيها وهيا تشوف فيه....باسكو بالحق كانت تحسب ميعرف يدير والو....

سالم:بقات نص ساعة والشغل متخدمش....

غير سمعت واش قال تفكرت روحها كملت المسيح كملت الطابق لي لفوق كانت 12:20 روحت تجري غسلت يديها وروحات توجد طابلة دارت فيها كلش وروحت تكمل شغلها هو هبط بعد مرقدت بنتو.... وبقات تكمل في الشغل وهو يفطر لحقت ل13:20 كانت كملت كلش وغسلت يديها وراحت تلم في طابلة باش تغسل الماعن راحت لمت وغسلت وغير كملت حطت طبسي راح تاكل....

سالم:نوضي رتبي الحديقة فيها ورق طايح وفيها تراب...
انتصار:كي نكمل الفطور نرتبها معليش....
سالم:اكيد ماشي معليش لازم تكملي كلش باش تاكلي...

شافت فيه وهيا دموع في عينيها باسكو حست بلي داقتلها من لبارح مكلات والو لدرجة ولات تحس بالدوخة محبتش تكتر معاه الهدرا وخرجت للحديقة....