عاهرة الامام(كاملة ❤️)

106

♥ الــحــلــقــة الــــثــــالــــثـــــة و الـخـمـسـون تتمة 02 ♥

دخلت لغرفة بنتها لقاتها تقفل فصوندال و وقف .. قربتلها الضحكة على وجهها و لمعة في عينيها ..

👵 : الله يبارك مشاء الله ربي يحفظك من العين بنتي .
غصبت انتصار الابتسامة بش تظهر على شفايفها و سلمت على راسها و يدها : وشرايك ماماتي خرجت شابة !
👵 : تهبلي مش غير شابة يماه تحب الزين من بكري كي تشوفك تههبل عليك .
انتصار : خرجت ليك ماماتي شابة كيفك .

جبدتها يماها قعدتها على السرير و حطت يدها على جبينها تقرالها قرآن و ادعية تحفظها من العين الحسودة .. كي كملت شدتلها يديها في زوح بيد و الثانية تمسح على خدها بحنانة ..

👵 : علابالي دك راكي متوترة نعرف مليح احساسك فاللحظة هذي و نعرف حاجة وحدوخرا .. مشي مرتاحة كي حتتخطبي قبل شهد و خايفا ....
انتصار قاطعتها : صح متوترة و خايفا مي مش من هذي خايفا من الحياة لجديدة لي حتقابلني و الناس لجدد لي نعيش معاهم خايفا من الوسط لي داخلا ليه اذا يعجبني ولا لالا اذا نرتاح فيه ولا لالا منيش عارفا .
👵 : يابنتي نتي تربيت يدي نقرا لي في قلبك من عينيك .. خايفا على اختك ولا منها .. منكذبش عليك و نقولك فرحت كي سمعت مام انا شفت انكسارها في عينيها اما مبينتش معناها فاهمة بلي الزواج مكتوب ربي و مكتوبها رح يجيها ليوم ولا غذوا متخافيش و متقلقيش روحك بنتي ارتاحي و انا منبعد نحكي معاها و نفهمها .. قدامك قرار كبير تتخذيه ملازمش توتري روحك بحوايج صغار هك خممي في روحك برك و ردي باااالك تقرري حسب نظرتك للي معاك هذي غلطة كبيرة بنتي متطيحيش فيها شوفي لي ترتاحيلو نتي مش لي تريح الناس لي تعجبك نتي و لي تفرحك نتؤ فهمتي !!

سكتت انتصار و هبطت راسها ..

👵 طلعتلها راسها : فهمتي ؟؟
انتصار تنهدت : فهمت .. كلشي واجد ؟ متخص والو ؟؟
تبسمت و باستها : كلش واجد دك خمس دقايق و يلحقو راكي واجدة !!

انتصار حركتلها راسها بإيه .. طبطبت على يدها و بقات تحكي معاها تحب تنحيلها التوتر و تخليها ترتاح .. حتى سمعو صوت دق الباب ..

🔮 جام للحلقات + رايكم + توقعاتكم 🔮