🔥🔞 عـــاهــرة الإمـــــام 🔞🔥
✏ ســــارة & بـــخــتــة ✏
الــحــلــقــة الرابــعــة عـشــر :
قاعدة وسطهم و راسها بعيد حابة غير تخرج و ترتاح عندها قريب نص ساعة ملي دخلت و مزال مجاش يحطلها الخاتم و تتهنا و حتى هوما وحظة مفهمت روحها و ناضت تدير جاست .. قرصت سلمى لي كانت جنبها ..
أميمة : اسمعي قوليلهم يخفو شويا بسك تخنقت .
سلمى : بلعي متبهدليش بينا .
أميمة : نعلبو زهري والله قلقت و مفهموش رواحهم وينو هذا يجي يحط الخاتم .. سلمى لايكون هررب يااي بلاك هرب .
سلمى قرصتها : اسكتي يعطيك غمة ضحكي متبينيش .
أميمة : والله منقدر نعري على سناني و انا مغمومة .
ياسمينة : راه الوقت نحطو الخاتم !!
أميمة : اووه بسييف .
قحرتلها صورية و ضحكت تلطف الجو : ايه صح تحطها .
ياسمينة : منال راهي عندك !
منال : ايه ماما هاكي .
جبدتها منال من صاكها و عطاتهالها وقفت ياسمينة و مشات لأميمة لي قاعدة غي تتفرج و مشوكيا فيهم ..
عايدة : أميمة عزيزتي نوضي تحطي الخاتم .
أميمة : هو وينو ؟ شكون يحطها ؟ انا ... ؟ وش كيفاش هذي ؟
صورية مشات ليها توقفها و زيرت على يدها قريب تكسرهولها ...
صورية : تنفسي بنتي راكي متوترة .
أميمة : منيتكم نلبس الخاتم وحدي مقطوعة من شجرة انا ولا وش ؟
ياسمينة : هههه دمها خفيف تبدلتي بزاف على آخر مرة شفتك بنتي .
فرح : مهيش فاهمة لحكاية .. اميمة ماما تحطلك الخاتم .
أميمة خزرت فيهم بالوحدة : لاه ؟ هرب هوو !! عرفتها حقربي عرفتها رح يههرب ديجا وش يخليه يتزوج بوحدة مطلقة و مش قد مستواه الديني ؟ معليش منيش زعفانة اذا تحبو بيعو الخاتم راهي غاليا و تجيبلكم بزاف دراهم .. احح ماما لاه قرصتيني وش قلت !
صورية همستلها : وش مزال مقولتيش بهدلتي بيا اصبري برك يروحو و تشوفي .
ياسمينة : بنتي سيف راه مع الرجال و انا نحطلك الخاتم حرام هو يلمسك .
أميمة وقفت و ضربت يد في يد : ربحت والله غير ربحت .
سلمى : أميمة سكتي يجيبلك ضربو اسكتي .
أميمة : هههههه نؤ نتمسخر علابالي حرام ايا عجوزتي حطيلي الخاتم .
مدتلها يدها تضحك و هوما رح يطرشقو من التبهديل صورية تتوعدلها و سلمى و عايدة يوجدو في رواحهم بش يديرولها محاضرة طويلة عريضة يعلموها تشد لسنها و تحشم .. حطتلها ياسمينة الخاتم و لبنات يصورو و يزغرتو و أميمة معاهم تدير فلي بوز ليديها ..
أميمة : عايدة صوري هك .. زيدي هك زيدي .. حح خرجت تهبل اوموا نبعتها للشد يحطلي نغير لبنات و ندير سطوريات .
YOU ARE READING
عاهرة الامام(كاملة ❤️)
Romance🌙رمـــــــــــــضـــــــــان كــــــــــريــــم ومـــــــــــــبـــــــــــــارك🌙 ♨️كـــــــــــرونـــــــــــيـــــــــــك قـــــــــــصـــــــــــير♨️ ❌#لا_يحلل_النشر_بتاتا_بدون_اخذ_اذنا_شخصيا_ونقل_كل_شيء❌ ✒️قــــــيــــــد الكــــــتــــــا...