عاهرة الامام(كاملة ❤️)

153

🚫🖤 عـــاهــرة الإمـــــام 🖤🚫

✏ ســــارة & بـــخــتــة ✏

الــحــلــقــة الــســابــعـة و الــســبــعــون :

دخل للمجلس مع خوه سلم على الرجال لي كانو قاعدين حتى لحق ليه .. كان قاعد معاهم و راسو بعييد عينيه يعبرو بلا مينطق لسانو .. نظراتو تشكي حزنو و ألمو على فراق بنتو الوحيدة ضحكت دارو ..
أمين : بابا ..
طلع راسو كي شافو وقف : أميين !!!
عنقو امين و زير عليه : توحشتك بابا .
👴 : ويراك عشر سنين مبانتش نعيطولك متردش فهمني ويراك غاطس ؟
امين : امريكا داتني ابابا .
طبطب عليه و تبسم بالع غصتو : مرتك داتك امريكا متبرية منك .
امين تبسم و مردش اصلا معندو ميقول ميقدرش يكذب على باباه و ميقدرش يحكي الصح ..
امين : ندخل نسلم على يما توحشتها .
تنهد و قعد : روح شوفها تفرح كي تشوفك ممكن تنسا شوي .
دخل امين من الباب الثانية تع لكوزينة بش ميجيش مع النساء في الصالون لأنو مفتوح على باقي الدار .. لقا طفلة قاعدة على كرسي راسها علاطابل و على شعرها خمار .. بقا يدقق معاها سمع صوت بكا و كتافها يتهزو تشهق .. حس قلبو ضرب بقوة حط يدو عليه و قفل عينيه ثواني و رجع فتحهم و نطق بإسمها بلا ميحس حروف متشتتين متقطعين و بصوت يسمعو غي هو ..
أمين : ب..خ..ت..ة !!
بلع ريقوا و رجع خطوة كي شافها طلعت راسها تمسح في دموعها .. طاحت عينها عليه و عينيه عليه الصدمة جمدتها .. وقفت حتى طاح الكرسي يديها و جسمها بكلو يرجف .. عينيهم يحكيو و اصوات دقات قلبهم وحدها تتسمع فلبلاصة ..
أمين : بختة ...
صوتو خرجها من حالة الصدمة عطاتو بظهرها و جرات للباب حتفتحها .. جرا وراها و جبدها من يدها رجعها ضربت فالحيط حاصرها بينو و بين الحيط ..
أمين : سامحيني بختة سامحيني .
بختة دزتو و تبكي : بعدني منحبش نسمع بعدني .
شدلها يديها بيديه في زوج : تجبرت بختة والله تجبرت .
بختة تحكي و تجبد في روحها : خليتني كي حتاجتك خليتني في اكثر وقت كنت محتاجاتك و محتاجة حضنك و حنانتك عطيتني بظهرك و مشيت خرجت و استقريت بعيد يامات و نسمع بيك تزوجت .. شفت الشعر الاصفر و العينين الزروقا شفت الزين و لاطاي نسيتني و بدلتني .. سمحت فيا امين سمحت فالعشرة لي بيناتنا في حبنا و في احلامنا علاجال ذيك الحاجة الشقرا .. لااااه رجعت فهمني لااااه رجعععت كي والفت نرقد و ننوض بلا منشوفك وليت كي والفت نكمل يومي بلا منسمع صوتك وليت كي والفت نعيش بلا بيك وليييت لااااااه ؟؟؟؟
بعد عليها و هبط راسو : مش بيدي سامحيني ..
رفدت خيمارها لي كان طاح حطتو على راسها و خزرت فيه بعيونها لمدمعين : فات ذاك train زمااان يا سي امين ارجع منين جيت منيش حاملة نشوف وجهك ولا نسمع صوتك .
فتحت الباب و خرجت خلاتو مسمر فبلاصتو ..