عاهرة الامام(كاملة ❤️)

180

⁦♥️⁩عـــــاهــــــرة الامــــام⁦♥️⁩
⁦✒️⁩بـــــقــــلـــــم:بـــــخـــــتــــــة&ســـــــارة⁦✒️⁩
⁦♨️⁩ الحــــلــــقـــــة 102 ♨

حبس رابح طوموبيل قدام باب دار خوه .. هبطت يسرى و فتحت اميمة الباب مع حطت رجلها برا حبسها رابح ..
رابح : أميمة .. اتهلاي في روحك و في راجلك و سيي تصلحي غلطتك و علاقتك معاهم كامل .
عضت على شفايفها و رجعت ركبت فالطوموبيل و تلفتت ليه بحركة مفاجأة عنقتو و هو زير عليها ..
أميمة : سامحني بابا سامحني .
رابح طبطب على ظهرها : اكي مسامحة دنيا و آخرة ابنتي .
بعدت عليه شويا و سلمت على راسو ..
اميمة : ربي يخليك لينا ولا يحرمنا منك .
رابح : آمين و يخليك ليا .. روحي دوك و بلا منعاود نوصيك ....
اميمة : مايكون غير خاطرك ابابا ندير لي عليا و نخليهم يسامحوني و ينساو متخممش .
رابح : اتهلاي في روحك بنتي .. علابالي مهما تحبي تبيني روحك مشي مليحة و عقلك صغير مي قلبك ابيض و نيتك صافية .. اميمة انا ربيت مرا ب100 راجل متهبطيليش راسي و متخلينيش ننسا وش ربيت هذوك الناس لي شافو حاجة مش مليخة نهار الخطبة سيي وريهم العكس .
اميمة تبسمت و مسحت دموعها : وعد نكون اميمة لي ربيتها و نكون ديما اميمة لي حابها و ذوك الناس ينساو كاامل وش شافو كي يشوفو وش راه جاي بإذن الله .
رابح : استودعتك الرحمان .
خدات نفس زفرتو براحة كبيرة و هبطت .. عملتلو باي بيدها 👋 و مشات مع يسرى .. طبطبو الباب ميمبا خمس ثواني سمعو صوت فرح تعيط هابطة الدروج .. فتحت الباب و تلاحت على يسرى تعنق و تبوس  لوخرا كيفكيف ..
فرح : توحشتك اقلبي .
يسرى : و انا كثر احبي .
أميمة تمتمت بين شفايفها : قوم لوط و العياذ بالله بععق ذيك الرومانسية .
فاتت عليهم و دخلت لقات ياسمينة فالصالون تسيق ..
اميمة : السلام عليكم .
ياسمينة طلعت راسها كي شافتها تبدلو ملامحها : و عليكم السلام .
مشات اميمة سلمت عليها : وشراكي خالتي ؟
ياسمينة : كيما خليتيني يسقسي عليك الخير .
دخلت يسرى غير شافتها ياسمينة ضحكت و جرات ليها تعنق و تسقسي عليها .. طلعت حاجبها و هي تشوف فيها كيفاش تبدلت و الفرق بين معاملتها ليها و معاملتها ليسرى .. خلاتهم و طلعت لشمبرتها كانت متمنية تلقاه تم اما امنيتها متحققتش كان وقت خدمتو مزال مجاش .. دوشت و لبست جبة مزيرة على لاطاي غوج و لبست خمار طويل يغطيها كامل و هبطت تعاونهم فلميناج ..

🔮 جام للحلقات + رايكم + توقعاتكم 🔮

⁦♨️⁩ الحــــلــــقـــــة 102 بـــارت 02 ♨

كانت فالكوزينة قافلة الباب عليها و تخدم فالقاطو .. نحات خيمارها حطتو بعيد بسك السخانة بزاف عليها .. فتحت لفور ودنات تجبد السنيوة مع حطت يدها عليها تفتحت الباب ..
سيف : فرررررررح .
دقات قىبها تسارعو كي سمعت صوتو و الرجفة شدتها .. قفلت عينيها تسمع فيه ماشي و يقربلها محستش بالسنيوة كي زلقت من يدها و اوووب طاحت كامل فلارض .. وقفت تعيط و دموعها قريب يطيحو القاطو لي عندها قريب ساعة تتفنن فيه راح في ميمبا دقيقة .. فاقت على روحها و طلعت راسها ليه لقاتو جامد فبلاصتو و يتفرج فيها .. للحظة حبت تجري تعنقو توحشتو و توحشت ريحتو و حضنو اما عقلها رفض الفكرة و بقات في بلاصتها تخزرلو و يخزرلها .. قطع عليهم صوت فؤاد دخل ..
فؤاد : هممم ريحة شابة ....
رفد سيف الخيمار لي كان قدامو على الكرسي و رماهولها لبستو و فؤاد طلع احمر و اخضر من الحشمة محشمتوش لبستها و منظرها اكثر من حركتهم ..
فؤاد : اححم حسبتها ماما هنا سامحوني .. مي اميمة براافو باين لقاطو بزاف بنين من ريحتو الشابة هذا وين عرفت بلي تعرفي تخدميه .
اميمة تبسمتلو متوترة و مش قادرة تركب جملة مفيدة : نعرف .. ايه .. خدمتو .. انا .. يعني ايه نعرف ..
ضحك فؤاد و رفد حبة قاطو من لي كان على لاطابل واجد حطها في فمو و خرج .. بلعت ريقها و هبطت على ركابها تلم لي فلارض و تتمتم بين شفايفها بكلام مش مفهوم .. قطع المسافة لي بيناتهم بخطوتين و هبط جنبها يعاونها ..
سيف : اكي مليحة ؟
ضربت السنيوة بيدها و لزت على سنيها : بييرفييكت كيما راك تشوف فيا .
سيف حاول يخبي ابتسامتو اما مقدرش مش من كلامها و عصبيتها شوفتها برك تخليه يتبسم .. شحال توحش حركاتها هذو و طريقة هدرتها و هي بكلها توحشها كأنو مشافهاش سنين مش 3ايام ..
اميمة هزت السنيوة و وقفت حطتها علاطابل : اضحك اضحك عندك الحق مش نتا لي واقف معاه ساعة فالسخانة هذي ... خسر كاامل حبة متصلح هفففف .
وقف و قربلها مبقاش يفصل بيناتهم كان سنتيمات قلال ..
سيف : معليش نعاودو انا .
لهدرا تلفتلها من قربو و بدات ترمش بزربة و هيتشوف فيه غير يقرب و يقرب ..
اميمة : س..سيف .. لك..وزين..ة .
ابتسامتو وساعت و رفد يدو ليها .. قفلت عينيها تستنا في بوسة ولا اي حاجة كيفها حتى حست مسح يديه فطابليي لي لابستها و بعد عليها ..
سيف : اهيه قوليلي كيفاش نخدموه ؟
بقات جامدة عينيها ميرمشوش و فمها مفتوح .. رفد حبة قاطو و دخلها في فمها ..
سيف : اقفلي فمك لاتدخل شي ذبانة .
بعد عليها و مشا يشوف المكونات لي كانت جبدتهم ..
سيف : ايا نبداو .
بلعت لي في فمها و جرات ليه جبدتو بعيد : متعاوننيش اخرج برك .
سيف : علاه ! ياك بسبتي خسر خليني نعوضو .
اميمة : قولتلك اخرج متبقاش قدامي .. سيييف اخرج .
طلع حواجبو مستغرب منها و خرج .. جرات وراه قفلت الباب و صبت كاس ما شربتو على نفس تخقف بيه توترها و تبرد روحها ..