ပျင်းနေပြန်တဲ့ကိုယ့်ဆရာ (ဘာသာပြန်)

အခန်း ၆၂ ။ ဝင်ခွင့်စာမေးပွဲ

Myanmar Translation of [师父又掉线了] By [尤前]
ဘာသာပြန်သူ - TJ

အခန်း ၆၂ ။ ဝင်ခွင့်စာမေးပွဲ

ကူယွဲ့ လမ်းမှားကို ရောက်တော့မဲ့ပုံ ပေါ်နေတဲ့ အဲဒီတပည့်သစ်တွေကို နောက်ဆုံးတော့ ခက်ခက်ခဲခဲ ပြန်ဆွဲခေါ်နိုင်ခဲ့တယ်။

"ခုကစပြီး မင်းတို့အားလုံးက ငါ့ဝူတိဂိုဏ်းရဲ့ တပည့်တွေပဲ" သူ ဝတ်ရုံတွေလွှမ်းထားဆဲဖြစ်တဲ့ အုပ်စုကိုကြည့်ပြီး ခေါင်းငုံ့နေတဲ့ မိန်းကလေးကို တမင်သက်‌သက်တောင် လှမ်းကြည့်လိုက်‌တယ်။ နောက်တော့ မျက်ခုံးကြုတ်လိုက်ပြီး ချက်ပြုတ်ပြီးစီးပြီဖြစ်တဲ့ ယိချင်းကို လက်ညှိုးထိုးပြလိုက်တယ်။

"ဒီဂိုဏ်းက လောလောဆယ် သုံးယောက်ပဲရှိသေးပေမဲ့ သူနဲ့ငါ့ကျင့်ကြံဆင့်က မင်းတို့အားလုံးကို သင်ကြားပေးဖို့ လုံလောက်တယ်၊ မင်းတို့အားလုံး ကြိုးကြိုးစားစားကျင့်ကြံကြပြီး ထာဝရရှင်သန်သူလမ်းစဉ်ကို လျှောက်လှမ်းကြဖို့ မျှော်လင့်ပါတယ်"

"ဟုတ်ကဲ့" လူတိုင်း ပြိုင်တူ ဖြေကြ‌လေတယ်။

ကူယွဲ့က အားပေးစကားတချို့ထပ်ပြောပြီးမှ လေးနက်တဲ့အသံကိုပြောင်းပြီး ပြောလိုက်တယ်။

"မင်းတို့အားလုံး ငါ့ဆီကနေ အရင်ဆုံး အခြေခံမှော်အတတ်တချို့ သင်ယူနိုင်တယ်၊ ဒါပေမဲ့ အားလုံးက ကျင့်ကြံဆင့်တွေ ရှိပြီးသားဆိုတော့ မင်းတို့ရဲ့ အခြေအနေအတိအကျကို ငါ့သင်ကြားမှုတွေမစခင် သိဖို့လိုတယ်၊ မင်းတို့ အရင်က ဘာသင်ယူခဲ့ဖူးသလဲနဲ့ ဘယ်လိုကျင့်စဉ်ကို လေ့ကျင့်ခဲ့လဲ ဝေမျှကြပါ"

မိန်းကလေးအားလုံး ထိတ်လန့်သွားကာ တစ်ယောက်နဲ့တစ်ယောက် ဘာပြောရမှန်းမသိ ကြည့်နေပြီးမှ အရှေ့က ယွီဟုန်ဆီ လှမ်းကြည့်လိုက်ကြတယ်။

ယွီဟုန့်အမူအရာက ပြောင်းလဲသွားပေမဲ့ မကြာခင်ပဲ ပုံမှန်ပြန်ဖြစ်သွားတယ်။ သူမက ရှေ့တက်လာလိုက်တယ်။

"အမတဆရာကို တင်ပြရရင်တော့ ကျွန်မတို့က အရှိန်အဝါကို ခန္ဓာကိုယ်ထဲ ဆွဲသွင်းတဲ့ မသေမျိုးဓမ္မနည်းနည်းကိုပဲ အကြမ်းဖျင်း သင်ယူထားတာပါ၊ ကျွန်မက မီးနဲ့သစ်သား ဝိညာဉ်ကြောကို ပိုင်ဆိုင်ပြီး နွေဦးဖူးပွင့်အနုပညာပဲ သင်ယူရပါသေးတယ်၊ ကျန်တဲ့မိန်းကလေးတွေအတွက်ကတော့..."