Marahil ikakagalit mo kung sakaling ito ay mabasa
Paumanhin kung hindi ko maamin na wala ng lasa
Matabang na para sa'kin tamis na 'yong pinatatamasa
Gustohin ko mang simulan kung pa'no ba nag-umpisaSadyang wala na,'di ko na talaga mawari kung papaano
'Di ko na kayang magsimula muli upang ika'y mapaamo
'Di ko alam pero 'di na ako tiyak sa sayo'y mapapala ko
'Yan ay napagtanto ko buhat ng masira mo ang tiwala koAt kung sakaling tayo pa sa sandaling mabasa mo 'to
Tatanggapin ko lahat ng galit na sayo ay matatamo ko
Subalit sa mga sandaling ito sana'y mapatawad mo 'ko
Dahil ako ay nagsinungaling at hindi sayo naging totooNgunit kung ito naman ay mabasa nang wala ng tayo
Nagpapasalamat ako dahil sa mundo ko ika'y dumayo
Kinilala't inunawa ako at minsang naging mahalaga sayo
Salamat sa alaala ng maikling kwentong magkasama tayo
YOU ARE READING
Isang Daang Tula
PoetryGinawa ko 'to para makaligtas sa pakiramdam ng pag-iisa,sa sandaling akala mo wala ka ng kakampi,sa sandaling malungkot at walang mapaglabasan ng sama ng loob,sa mga oras na masaya ngunit walang makasama upang magdiwang,Tanging tula at mga tugmang l...