Sa musika ng pag-ibig 'yong awit mo ang nais makabisado
Kahit pa hirap sumabay sa tyempo at ang tono'y 'di sigurado
Kakantahin ko pa rin hanggang sa makuha tamang timplado
Hanggang mahuli ko ang tamang lasa ng bawat mga rekado
'Di ko alam kung mapapangiti ka sa musika mong aawitin ko
'Di ko alam kung mapapasabay ka sa lirikong sasambitin ko
Pero 'di ka man sumabay o mapangiti ipagtutuloy ko pa rin 'to
Dahil ang musika ng pag-ibig mo ay 'di na gusto pang ihinto
Mistulang humehele sa'kin tungo sa panaginip na malalim
Ginising ng pagmamahal ng mga himig mong walang linihim
At ang boses mong malaliwanag naging tanglaw ko sa dilim
Gabay upang kumawala na sa aking kahapon na malagim
Masasabi ngang 'di karaniwan ang musika ng 'yong pag-ibig
Ramdam ko ang init sa bawat yakap at ang lamig ay dinaig
Kita ko sa bawat kilos at sa paraan kung paano ka tumitig
Isang perpektong melodiya na napakasarap sa pang-dinig
YOU ARE READING
Isang Daang Tula
PoetryGinawa ko 'to para makaligtas sa pakiramdam ng pag-iisa,sa sandaling akala mo wala ka ng kakampi,sa sandaling malungkot at walang mapaglabasan ng sama ng loob,sa mga oras na masaya ngunit walang makasama upang magdiwang,Tanging tula at mga tugmang l...
