Sa muli mong pagngiti batid kong napawi na ang hikbi
Pinatunayan mong ang pag-ibig mo sa akin ay masidhi
Tugon sa paghingi ko ng paumanhin ay 'di mo tinimpi
Sa halip ay matamis na ngiti ang sa akin pa ay naisukliNgiti na tila liwanag sa kadiliman ay ganap na nagsindi
Ngiti na nagpatunay na ang pag-ibig mo sa'ki'y matindi
Ngiti na bakas ang pagmamahal mong hindi maikukubli
Na mistulang punong mayabong na nagmula lang sa binhiAng ikaw ay mahalin lubhang napakasarap sa pakiramdam
Sana hindi na muling humantong ang tayo sa pamamaalam
'Di na kita isasauli kung sa akin ikaw lamang ay pinahiram
Dahil sandaling wala ka'y ang gagawin ay 'di ko na alam'Pagkat nasanay na akong ikaw ang unang kausap pagkagising
Huling kakwentohan sa gabi bago pa ako ay mahimbing
Sagot ka sa'king mga dalangin higit ka man sa'king hiling
Ngunit pinagpapasalamat kong sa buhay ko ika'y dumating
YOU ARE READING
Isang Daang Tula
PoetryGinawa ko 'to para makaligtas sa pakiramdam ng pag-iisa,sa sandaling akala mo wala ka ng kakampi,sa sandaling malungkot at walang mapaglabasan ng sama ng loob,sa mga oras na masaya ngunit walang makasama upang magdiwang,Tanging tula at mga tugmang l...