Mistulang dinala mo 'ko sa isang magandang panaginip
Isang ilusyon ng tulog ngunit may bangungot na kalakip
Ang inakala kong mahabang tulog isa lang palang idlip
Ginising mo 'ko sa reyalidad mula sa aking kathang-isip
At sa aking pagkamulat ikaw ang nakita sa aking tabi
Bagama't nawala sa aking isip ang nangyari no'ng gabi
Lubhang tinangay ng panaginip kaya't ika'y naisantabi
Ngunit alin nga ba ang panaginip 'yon nga bang kagabi
O itong aking pagkamulat sa tabi mong nahihimbing
Ano bang nangyari kagabi at bakit dito na'ko nagising
Tila ito nga ang panaginip imahinasyon kong hiniling
Ninais kitang makatabi subalit hindi sa oras na gising
Dahil malabo na mangyari ngunit nagkamali pala ako
'Pagkat ang totoo'y sanga ng landas natin ay nakapako
Nayakap ka ng mahigpit habang mga labi'y magkapako
Totoo ang aking panaginip tunay na gising na nga ako
BINABASA MO ANG
Isang Daang Tula
PoetryGinawa ko 'to para makaligtas sa pakiramdam ng pag-iisa,sa sandaling akala mo wala ka ng kakampi,sa sandaling malungkot at walang mapaglabasan ng sama ng loob,sa mga oras na masaya ngunit walang makasama upang magdiwang,Tanging tula at mga tugmang l...
