Ikaw talaga ang dahilan kung bakit tayo'y lalong tumatag
Batid mang minsan sa batas ng pag-ibig tayo na'y lumabag
Ay binalewala,'di mo inalintana sa halip ay nagpakapanatag
Pinatunayang sa buhay ko'y 'di lang basta magbibigay ambag
Sa halip ay magiging permanente at mananatiling bahagi
Na 'di ko man katabi pa ay masasabi kong naririyan palagi
Ikaw talaga ang dahilan kung bakit lungkot ko ay napawi
Hinatid mo ang kasiyahang sa mata ko ay mamumutawi
Kaya't wala na 'kong hahanapin pa tila lahat na'y nasasa'yo
Wala na ring mahihiling pa sa oras na ikaw na'y kasama ko
Dahil ikaw talaga ang dahilan kung ba't laging inspirado ako
'Di mo inutos ngunit dahil gusto ko para sayo'y nagbago ako
Na akala ko no'ng una'y 'di ko kaya na pumikit sa mga tukso
Iba talaga kapag puso ang umiral at damdamin ang gumusto
Malinaw sa aking isipan na ikaw ay sapat na't sa'kin ay husto
Ikaw talaga ang dahilan,ang tanging dahilan ng pag-aayos ko
BINABASA MO ANG
Isang Daang Tula
PoetryGinawa ko 'to para makaligtas sa pakiramdam ng pag-iisa,sa sandaling akala mo wala ka ng kakampi,sa sandaling malungkot at walang mapaglabasan ng sama ng loob,sa mga oras na masaya ngunit walang makasama upang magdiwang,Tanging tula at mga tugmang l...
