Hindi mo 'ko iniwan no'ng sandaling puso ko ay durog
Matapos ng mistulang pagkabasag sa maling pagkahulog
Subalit pinulot mo ang bawat piraso kahit pa ikabubog
Dahan-dahang binuo at ibinalik sa dating pagkakahubogPalagi ka sa tabi ko at ako'y tinulongan makabangon
Sa nakakalunod na pasakit ako'y tinuroan makaahon
Tila ba ginamot ang damdaming tinurokan ng lason
Ikaw ang nagtulak sa akin upang 'di sukoan ang hamonAt no'ng sandaling ang puso ko'y handa ng magmahal ulit
Sinabi mong mahal mo ako subalit ang sagot ko ay "bakit?"
Sa isang iglap ang kakaibang lungkot sa mata mo'y gumuhit
Naglaho maging ang ngiti sa labi mo na kanina ay nakaukitMula no'n 'di na tayo nag-usap,walang imikan 'pag nagkikita
Subalit 'di ko makalimutan no'ng sabihin mong "mahal kita"
Patawad kung hindi ko natugonan ang huling sinabing salita
Salamat dahil binuo mo 'ko ngunit patawad at nasira kita
YOU ARE READING
Isang Daang Tula
PoetryGinawa ko 'to para makaligtas sa pakiramdam ng pag-iisa,sa sandaling akala mo wala ka ng kakampi,sa sandaling malungkot at walang mapaglabasan ng sama ng loob,sa mga oras na masaya ngunit walang makasama upang magdiwang,Tanging tula at mga tugmang l...