Sa kabila ng pagitang malayo nating dalawa sa isa't isa
Ay nagawa mong maipadama ang pag-ibig na ibang-iba
Na s'yang pumawi sa malungkot na gabi sa tuwi-tuwina
At nagpatunay na maitatama lahat kahit pa nga mali na
Tinama mo ang maling nakaraang namagitan sa atin
At pinaglaban ang pagmamahal na tanging para sa'kin
Yumakap ka kahit pa pagtalikod ang nagawa kong piliin
Oras,espasyo at tiwala ang nakuha mong ibigay sa akin
Nakuha mong ibigay marahil upang aking mapagtanto
Ang tunay na halaga mo at importansya sa daigdig ko
Tunay na parte mo sa buhay pati na rin sa hinaharap ko
At marahil para rin malaman kong tunay ang pag-ibig mo
Labis ang aking pasasalamat na ako'y binigyang halaga
At ako'y pinagkatiwalaan pa sa pagkakataong ikalawa
Ginawa mo ang lahat at ang pag-ibig sa'ki'y pinadama
Akin ngayong dinadasal at hinihiling sana tayo na talaga
BINABASA MO ANG
Isang Daang Tula
PoetryGinawa ko 'to para makaligtas sa pakiramdam ng pag-iisa,sa sandaling akala mo wala ka ng kakampi,sa sandaling malungkot at walang mapaglabasan ng sama ng loob,sa mga oras na masaya ngunit walang makasama upang magdiwang,Tanging tula at mga tugmang l...
