Alam mo 'di ko talaga maunawaan ang ugali mong taglay
Minsan sinabi mong eksperto ka sa pagsira ng mga bagay
Ngunit gusto mong ayosin taong may sira sayong palagay
Mistulang ikaw ang naliligaw pero nais na maging gabayMagulo 'di ba,kasi nga kung iisipin ay magulo kang talaga
Binabalewala mo ang mga dapat na binibigyan ng halaga
Hindi ba't sinabi mo rin na ninanais mo mawala ng maaga
'Di ko alam kung paano mo nasasabi ang gano'ng katagaAlam mo 'di ko talaga maintindihan 'yong takbo ng isip mo
Mistulang hangin na 'di malaman ang direksyon ng ihip mo
Malinaw para sayo na 'di magkakatotoo ang panaginip mo
At tila may batayan ka ng maikling tulog at ng pag-idlip moAt sa aking pagkakakilala sayo nabatid kong 'di ka karaniwan
Ikaw ay isang perpektong halimbawa ng malabo sa kalinawan
Parang misteryong inilakip sa maikling kwentong sinalarawan
At sa kabila ng dinami-raming berde ika'y natatanging luntian
BINABASA MO ANG
Isang Daang Tula
PoetryGinawa ko 'to para makaligtas sa pakiramdam ng pag-iisa,sa sandaling akala mo wala ka ng kakampi,sa sandaling malungkot at walang mapaglabasan ng sama ng loob,sa mga oras na masaya ngunit walang makasama upang magdiwang,Tanging tula at mga tugmang l...