[ Camila Cabello - She loves control ]
Սևահերը թակում է մուգ և թանկարժեք փայտից պատրաստված փայլուն դուռը և սպասում:Նա ուղղում է իր ուսին գցած սև, կաշվե պայուսակը և սպասում, մինչ կբացեն դուռն իր համար:Մարմինը ձգող կիսաշրջազգեստը բացում է աղջկա երկար և ուղիղ ոտքերը, իսկ կարմիր, երկարաթև բլուզը մի փոքր մեծացնում է նրա տեսքը:Գայանեն արդեն պտտվում է և ցանկանում հեռանալ, սակայն այդ վայրկյանին բացվում է դուռը:
-Ու՞ր ես փախչում:
Սևահերը կիտում է հոնքերը և շրջվելով ցանկանում մի քանի կոպիտ խոսք հնչեցնել, բայց ապշած կանգ է առնում դռան շեմին և նայում տղայի մարմնին:Աղջկա հայացքը վազում է նրա մկանոտ իրանով, որը պատված է բազմաթիվ և կրքոտ տատուներով:Հայկը նկատում է սիրելիի արձագանքը, այդ իսկ պատճառով կծում է ստորին շուրթը, ծալում ձեռքերը կրծքավանդակի առաջ:Գայանեն վերջապես կտրվում է չնաշխարհիկ տեսարանից և նայում տղայի երեսին՝ կրկին վերադարձնելով սառը դեմքի արտահայտությունը:
-Միգուցե նե՞րս թողնեիր:
Երիտասարդը քմծիծաղ է տալիս և ճանապարհ բացում օրիորդի համար:
-Հա, իհա՛րկե, ուղղակի իմ կողմից անշնորհքություն կլիներ ընդհատել քո ու մարմնիս միջև առաջացած կապը:
Նա արագ մտնում է ներս: Կապուտաչյան փակում է դուռը և ուշադրությամբ զննում աղջկան ոտքից գլուխ:Սևահերն ուղևորվում է հյուրասենյակ և նստում բազմոցին, տղան հետևում է նրան:
-Արդեն ժամը ինն ա, դու դեռ պատրաստ չե՞ս:
Հայկը, տեղավորվելով ընկերուհու կողքին և ուտելով սեղանին դրված թխվածքներից մեկը, արհամարհում է աղջկա հարցը, տալիս իրենը.
-Ես ցնցուղ եմ ընդունելու, ինչ-որ բան կուզե՞ս:
-Հա՛յկ, ձեռք ե՞ս առնում:Ես էկել եմ ձեր տուն, որ դու ինձ տանես դասի:Ի՞նչ էիր անում Նարեկի զանգից հետո:
Գայանեն բավականին բարկացած է:Նա ոտքը գցում է ոտքին՝ բարկացած նայելով կապուտաչյայի գեղեցիկ դիմագծերին:Տղան աչքերն իջեցնում է Գայանեի ոտքերին, մի քանի վայրկյան անց հայտնվում սևահերին ավելի մոտ:
YOU ARE READING
Իրականության Սահմաններին
Teen FictionԱղջիկը հարցնում է՝ ձեռքի թեթևակի շարժումով մաքրելով գլորվող աղի կաթիլը. -Իսկ որտե՞ղ ես կարողանում գտնել ու ճանաչել ինքդ քեզ: Հնչում է միանգամայն հակիրճ պատասխան. -Իրականության սահմաններին: