Վարդանը և Էմման նստած են հյուրասենյակում, նախաճաշում են:Կինն IPad-ով թերթում է թարմ նորությունները, ապա կանգ առնում դրանցից մեկի վրա:
-Վարդա՛ն, տեսել ե՞ս:
Մեկնում է IPad-ն ամուսնուն, ով դնում է հյութի բաժակը սեղանին և ուշադրությամբ սկսում կարդալ նյութը.
-«Հայտնի բիզնեսմես, քաղաքական գործիչ Արմեն Բալանյանի որդին՝ Արսեն Բալանյանը, իր երեկոն անցկացրել է գիշերային ակումբներից մեկում:Հետաքրքիրն այն է, որ նա եղել է անծանոթ գեղեցկուհու հետ, ոչ թե ապագա նշանածի՝ Մայա Սարգսյանի»:
Ինքնըստինքյան տղամարդու հոնքը բարձրանում է վեր, վերադառնում է իր նախաճաշին:Ուտում է, այնուհետև մեկնաբանում.
-Նորություն չէր, որ Արսենը ընտանիք կազմող երիտասարդ չի:
-Իսկ Լիլին, աջ ու ձախ իրա տղային գովալով, ման ա գալիս:Չնայած Մայայի ու Արսենի նշանադրության ու ամուսնության մեջ բիզնեսն էլ կապ ունի:Արմենը գիտի՝ ինչ ա անում:
Քմծիծաղով խոսում է Էմման, անջատում և ձեռքից ցած դնում IPad-ը:Հյուրասենյակ է մտնում Ժաննան և առաջին հերթին համբուրում հորը:
-Բարի լույս, պա՛պ ջան:
-Բարև, աղջի՛կս:
Պատասխանում է նա և ժպտում, Ժաննան շրջանցում է Էմմայի աթոռը, նստում նրա առաջ:
-Բարև, Էմմա՛:
Հյութը խմելուց առաջ նրան նույնպես բարևում է:
-Բարի, Ժաննա՛:Վիլյան մինչև հիմա չկա, չի ուշանու՞մ:
Կինը սկսում է հարցեր տալ Վիլյայից, ինչը և՛ նյարդայնացնում է Ժաննային, և՛ անհանգստությունն ավելի մեծացնում:Աղջիկների հայրը, սեղանից վեր կենալով, ենթադրում է.
-Երևի միանգամից գնացել ա համալսարան, դրա համար տուն չի էկել:
-Հա, պա՛պ ջան, հետը խոսել եմ մի քանի րոպե առաջ:Ամեն բան նորմալ ա:
Սկսում է ուտել և խաբել հորը:Ստիպված է:
-Շատ լավ ա:Դե ես գնում եմ աշխատանքի, գրասենյակում ինձ են սպասում:Շատ կարևոր հանդիպում ունեմ:
YOU ARE READING
Իրականության Սահմաններին
Teen FictionԱղջիկը հարցնում է՝ ձեռքի թեթևակի շարժումով մաքրելով գլորվող աղի կաթիլը. -Իսկ որտե՞ղ ես կարողանում գտնել ու ճանաչել ինքդ քեզ: Հնչում է միանգամայն հակիրճ պատասխան. -Իրականության սահմաններին: