[ Rihanna ft. Mikky Ekko - Stay ]
Նարեկը նայում է կապուտաչյային, ապա խոսում.
-Լավ, մտնենք ներս, մի բան կխմենք, կթեթևանաս:Մանավանդ, որ Տիկին Ելենան մենակ չի:
Միայն այն մտքից, որ Գայանեն պետք է ևս մի քանի րոպե անցկացնի Հայկի հետ, աղջկա մարմնով սառը դող է անցնում, նա գրկում է իր ուսերը:
-Չէ, Նա՛ր, հետ եմ գնում հիվանդանոց:Եթե Գայուշը հետս չլիներ, մամայի կողքից հեռու չէի գնա, ինչքան էլ պապան մոտը լիներ:Դե դու հասկացար:
Նարեկը գլխով է անում և կախում հայացքը:
-Ես գնամ:
Սեղմում է ընկերոջ ձեռքը, նայում օրիորդին, քայլում դեպի մեքենան:
-Ո՞վ պետք ա շնորհակալություն հայտնի, Գա՛յ:
Եղբայրը մուննաթ գալով դիմում է քրոջը, ով ընկճվում է, իսկ կապուտաչյան շրջվում է և պատասխանում.
-Արդեն ասել ա:
Երիտասարդի երեսին լկտի քմծիծաղ է հայտնվում, ինչից սևահերն ավելի է նյարդայնանում:Հետ է պտտվում և հասնում մեքենային:
-Գնա՞նք ներս, Նա՛ր:
Տղան գլխի շարժումով դրական պատասխան է տալիս, միասին մտնում են առանձնատուն:
***
-Ու նախորդ գիշեր մնացել ենք Գայուշի տանը:
Անհանգիստ և տխուր ձայնով վերջացնում է իր հեքիաթը Վիլյան և նայում հոր աչքերի մեջ:Տղամարդը, ում ձեռքերը գտնվում են ծնկների վրա, իսկ աղջիկը նստած է կողքին, հարցնում է լուրջ ձայնով.
-Խի՞ ես վախեցած, Վիլյա՛:
-Որովհետև ես Ժաննային ասել էի, որ Արմինեի տանն եմ մնալու:Դու էլ ես լավ հասկանում, պա՛պ, կանհանգստանար, եթե իմանար՝ նորեկի տանն եմ էղել:Առավոտյան Կարախանյանը զանգել ա Արմինի մամային, հետո Էմման ա իմացել, որ էսօր դասի չենք գնացել:
-Ու դու որոշեցիր շտապ ինձ պատմել, որ Էմման սխալ տեղեկություն չհասցնի՞:
Ժպիտը երեսին՝ հարցնում է Վարդանը, կանաչաչյան գլխով դրական պատասխան է տալիս և կախում հայացքը:
YOU ARE READING
Իրականության Սահմաններին
Teen FictionԱղջիկը հարցնում է՝ ձեռքի թեթևակի շարժումով մաքրելով գլորվող աղի կաթիլը. -Իսկ որտե՞ղ ես կարողանում գտնել ու ճանաչել ինքդ քեզ: Հնչում է միանգամայն հակիրճ պատասխան. -Իրականության սահմաններին: