Սպիտակ և սառը պատեր, դեղերի և արյան բույր, յուրաքանչյուր անկյունում լացող կամ հուսահատված մադրիկ:Սա է հիվանդանոցը:
Գայանեն քնել է աթոռին, իսկ Հայկը կանգնած է՝ ձեռքերը ծալած որովայնի առաջ, ոտքը՝ բարձրացրած դռան վրա:Տղան հայացքը գցում է սևահերի վրա:Տխուր, բայց միաժամանակ երջանիկ ժպիտ է հայտնվում նրա ճերմակ դեմքին:Հիշում է...___
Ժամեր առաջ
___Audi Q5-ն ընթանում է բավականին մեծ արագությամբ:Ճանապարհները նեղ են, դժվար անցանելի, այն բաց է թողնում անմիջապես չորսից հինգ խախտում՝ երթևեկության կանոններին չենթարկվելով:
-Չես կարո՞ղ կամաց քշել, Հա՛յկ:
Անհանգստացած և վախեցած ձայնով հարցնում է Գայանեն, նայում տղային:Վերջինս չի էլ լսում:Նա ամեն վայրկյան հայացքը նետում է դիմացի հայելու մեջ՝ հետևելով ուշագնաց կնոջը:
-Հա՛յկ, խնդրում եմ, դանդաղեցրու՛
ընթացքը:Վայրկյաններ, և սև, փայլուն մեքենան վերադառնում է իր միջին արագությանը:Սևահերը փակում է աչքերը և խորը շունչ քաշում:Նկատելի է ղեկի առջև նստած երիտասարդի լարվածությունը. դա հաստատում են պարանոցի դուրս ժայթքած երակները:
-Ո՞վ ա էս կինը:
Տղան նյարդային քմծիծաղ է տալիս և ավելի ուժեղ սեղմում կաշվե ղեկը:
-Քո կարծիքով էլ ու՞մ կյանքի համար կվտանգեի իմ սեփականը:
-Հաճախ ա՞ էսպիսի դեպք պատահում:
Հայկը գլխով բացասական պատասխան է տալիս:Նա այժմ կենտրոնացել է միայն ճանապարհի վրա:
-Հա՛յկ, ամեն ինչ լավ կլինի, կտեսնես:
Աղջիկը փորձում է մխիթարել:
-Գա՛յ, ինքն իմ կյանքի ամենաթանկ էակն ա:Եթե մամայի հետ ինչ-որ բան լինի...
Սևահերն ընդհատում է նրան.
-Ոչ մի բան չի լինի:Ուղղակի վերացրու հիմար մտքերդ:
Հայկը հոգոց է հանում:Ընդամենը վայրկյաններ, և տղան զգում է Գայանեի նուրբ ձեռքի ջերմությունն իր ձեռքում:Կապուտաչյան նայում է իրենց ձեռքերին:
YOU ARE READING
Իրականության Սահմաններին
Teen FictionԱղջիկը հարցնում է՝ ձեռքի թեթևակի շարժումով մաքրելով գլորվող աղի կաթիլը. -Իսկ որտե՞ղ ես կարողանում գտնել ու ճանաչել ինքդ քեզ: Հնչում է միանգամայն հակիրճ պատասխան. -Իրականության սահմաններին: