Yaz feel be like
Mananatili sa iyong tabi,
Pipigilan ang sarili sa paghikbi,
Tahimik na nag-iisip tuwing gabi,
Nakatingin sa 'yo na may lungkot na ngiti sa labi.
Araw-araw sa 'yo ipapaalala,
Hanggang puso't isip mo ako'y makilala,
Hindi magsasawa sa 'yo magbantay,
Narito ako tahimik na naghihintay.
Marami mang dahilan para sumuko,
Gagawin lahat maramdaman mo na nandito ako,
Hindi ko pa alam kung hanggang kailan makakaya,
Kakayanin ko alang-alang sa kanya.
Makukuntento na iyong kinakausap,
Kahit iba ang dating ng iyong mga pangungusap,
Kahit sa akin halata na 'di ka komportable,
Maghihintay pa rin sa 'yo aking Del Valle.
Ito ang panibago kong simula,
Para mapatunayan sa kanila,
Na mahal kita hanggang langit,
Sa puso at isip ko wala sa 'yong hihigit.
BINABASA MO ANG
Dedicated Poems For Love Without Limits by: Maxinejiji
PoetryAng mga tulang nakapaloob dito ay alay ko para sa nararamdaman ng bawat karakter ng istorya ni Maxinejiji na LOVE WITHOUT LIMITS. Ang ilang tula rito ay SPOILER din sa bawat kabanata ng istorya. Album 4 Rank 1 in Love without limits. 05/21/20 ...
