Yaz feel be like
Kaysa pareho tayong lubusang maubos,
Sitwasyon nating ito kailangang magtapos,
Bibitaw na kahit nasasaktan,
Kaysa lumala pa ang ating sakitan.
Ni hindi mo na masalubong aking mga mata,
Dahil ang nasira ko ay hindi basta basta,
Wala nang mukha ihaharap para pa manatili,
Dahil kahit anong gawin hindi maitatama ang pagkakamali.
Ang pagmamahal na nadarama ay hindi sasapat,
Kung ang pagtitiwala ang nasira sa lahat,
Walang salita makakapagpaliwanag sakit,
Kaya ang magsama pa ay hindi na dapat pang ipilit.
Ang tanging solusyon ay tuluyang lumayo,
Bago tuluyang maubos tayo,
Hindi sasapat ang pagsambit na mahal kita,
Kung hindi ka makatingin sa aking mata.
Hindi natin kayang hilumin ang isa't isa,
Lalo lamang tayo magdurusa,
Kailangan natin gamutin ang sarili,
Bago pa tuluyang mahuli.
Isa't isa kailangan na nating palayain,
Hindi ibig sabihin kakalimutan ka rin,
Hayaan muli natin sarili ay mabuo,
Para masabi na handa na muli tayo.
YOU ARE READING
Dedicated Poems For Love Without Limits by: Maxinejiji
PoetryAng mga tulang nakapaloob dito ay alay ko para sa nararamdaman ng bawat karakter ng istorya ni Maxinejiji na LOVE WITHOUT LIMITS. Ang ilang tula rito ay SPOILER din sa bawat kabanata ng istorya. Album 4 Rank 1 in Love without limits. 05/21/20 ...
