<Unicode>
"ဒါဆို ပြိုင်ပွဲမဝင်ခင်က သူတို့၂ယောက်တွေ့သေးတ
ပေါ့"
သူ့ရှေ့ကအမျိုးသမီးကိုဆိုလိုက်ခြင်း။ သေဆုံးသူက ပြိုင်ပွဲမဝင်ခင် နောက်ထပ်ပြိုင်ပွဲဝင်အမျိုးသမီးတစ်ယောက်နဲ့၂ယောက်ထဲတွေ့ခဲ့ခြင်း။
သို့သော် ထိုအမျိုးသမီးနဲ့ သေဆုံးသူကပြေပြစ်တဲ့ဆက်ဆံရေးမရှိ။ ဆုရဖို့အတွက်တစ်ယောက်နဲ့တစ်ယောက်အပြိုင်အဆိုင်ကြိုးစားကြရင်း မသိလျှင်သူများအမြင်မှာရန်သူတော်တွေလိုဖြစ်နေသည်။
ရှေ့ကကောင်မလေးကတော့ သူတို့၂ယောက်အကြောင်းကိုသိသလောက်ပြောပြနေခြင်း။ အာဏာဂရုစိုက်ကာနားထောင်မိသည်။
"ဟုတ်ပါတယ်၊၊ မပြိုင်ခင်မှာရွှေလွန်းက သူ့ကိုကော်ဖီတိုက်ခဲ့သေးတယ်၊၊ သူကလဲယူပြီးသောက်လိုက်တယ်၊ကျွန်မအထင်အဲ့ကော်ဖီကတစ်ခုခုပဲ"
ရွှေလွန်းဆိုသည်မှာ လက်ရှိသံသဃရှိတဲ့ပြိုင်ပွဲဝင်အမျိုးသမီး။ အာဏာသူ့ရှေ့ကအမျိုးသမီးကိုကြည့်လိုက်ရင်း
"ဒါဆိုရင် ခင်ဗျားပြောချင်တာက ရွှေလွန်းဆိုတဲ့အမျိုးသမီးက ကော်ဖီထဲတစ်ခုခုထည့်လိုက်တာပေါ့"
"ဒါကကျွန်မအထင်ပါ။ သူတစ်ပါးကိုအရမ်းကြီးလဲမစွတ်စွဲချင်ပါဘူး"
"ကောင်းပြီ။ ကျွန်တော်ကရေကူးကန်ကိုသွားကြည့်လိုက်မယ်၊၊သေဆုံးသူမိသားစုနဲ့ရင်းနှီးတယ်မလား"
"ဟုတ်ကဲ့။ ရင်းနှီးပါတယ်"
"ဟုတ်ပြီ။ မိသားစုကိုလဲ ပြောလိုက်ပါ။ မသေချာသေးပဲနဲ့ရွှေလွန်းဆိုတာတဲ့သူကို အရမ်းကြီးသံသဃမဝင်ပါနဲ့လို့။ ကျွန်တော်ရအောင်အဖြေရှာပေးပါ့မယ်"
"ကျေးဇူးပါရှင့် ကျွန်မပြောလိုက်ပါ့မယ်"
သူမကခေါင်းငုံ့ကာရိုသေစွာပြောသည်။ အာဏာလဲ ကိုယ့်ထက်အသက်ကြီးသူကခေါင်းငုံ့ကာကြောနေတဲ့အတွက် သူပါခေါင်းငုံ့ကာနှုတ်ဆက်ပြီး ဆိုင်ထဲကထွက်လာခဲ့သည်။
ကားကိုရောက်တာနဲ့ စက်နှိုးပြီး ရေကူးကန်ကိုသွားဖို့ပြင်၏။
