ZAN SOKA A HAKA

page 38

🚨🚨🚨🚨🚨🚨🚨🚨🚨🚨🚨🚨🚨🚨🚨
🚨🚨🚨🚨🚨🚨
🚨🚨🚨🚨🚨
🚨🚨🚨🚨
🚨🚨🚨
🚨🚨
🚨

💎💎💎💎💎💎💎💎
*ZAN SOKA A HAKA*
💎💎💎💎💎💎💎💎
NA
*BILKISU ALIYU KANKIA
👸🏼 *QUEEN BK* 👸🏼

🇸🇦 *ZAMAN AMANA WRITTER'S* *((Z.A.W))*🖊
(Gidan zaman lafiya da Amana  insha Allah🤜🤛 )

Page3⃣8⃣

*KI ZAMO MAI GODIYA DA YABAWA DUK WANDA YAYI MAKI ALKHAIRI KOMIN NISAN LOKACI, HAƘIKA MANTA ALHERI DA BUTULCEWA MUTANE SHUKA WA KAI SHARRI NE KUMA AIKIN MARASA IMANI NE.*
                          QUEENBK.

Ammmie ta gani ta kutso kai ta ƙofar ɗakin, Ammie kam ganinta a ƙasa yasata saurin ƙarasawa inda take sai da ta taimaka mata ta tashi sannan tace,

"Asmah lafiya yau tunda asuba ina tajin ihunki?".

Asmah kam cikin mamkin ihun da tayi tace
"Ammie ya haƙuri na tada ku bacci ko? ban ma san nayi ihu ba mafarki nayi".

"To Allah ya sauwaƙe ki riƙa addu'a sosai duk da na san kina yi amman kar ki taɓa gajiyewa ki cigaba, Allah na fushi in an daina roƙon shi".

"To Ammie insha Allah zan kiyaye na gode".

"Yanzu kuma ya akai na ganki a ƙasa, tun yaushe Asmah na hana ki kwana a ƙasa?".

"Laaaa Ammie ba a ƙasa na kwana ba yanzu ne na ...." sai kuma ta tsaya da magana tuna faɗowa tayi.

"Yanzu ki kai mi?".

Ba zata iya faɗa ma Ammie ƙarya ba, dan bata saba ba dan haka a hankali tace "na fa...ɗo cikin bacci".

Ammie tayi dariya cikin tsokana ita ma Asmah dariyar tayi, Ammie tace

"To sannu ki tashi kije kiyi alwallah dan yanzu za'a tada sallah, nima bari na wuce naje nayi"

Har ta kusa barin ɗakin Asmah tace
"Ammie!"

Ammie ta tsaya tare da juyowa, Asmah ta cigaba "Ammie ina Mimi?"

"Ohhh Mimi na ɗakina can ta kwana"

"To" kawai Asmah tace cike da mamakin me ya hana ta kwana nan, dan tunda tazo gidan yau ne kawai basu kwana tare da Mimi ba.

Bayan Ammie ta fita, Asmah ta kalli agogo taga ƙarfe 5:05am, tayi mamakin har asuba tayi duka duka yaushe ta kwanta baccin ma awa nawa tai gaba ɗaya, tashi tai ta nufi toilet tayo alwalla ta kawo nafifili ana tada sallah ta tada nata bayan ta idar tayi addu'oin safenta, take zuciyar ta ta koma cikin mafarkin da tayi, a fili tace

"Wai ya Abdallah ne dama?" ta faɗa cikin kasa gaskata maganarta.

Ta tuna sadda ta fara mafarkinta da shi duk da bata ganin fuskar shi amman kullum cikin gaya mata maganganu yake wanda bata fahimta kamar yadda ya gaya mata a wannan mafarkin da ta tashi, a fili ta ƙara faɗin "yau ko duk sai na fahimci dukan saƙonshi insha Allah"

Zuciyar ta tace "Kiyi tunanin duk mafarkan da kikai nasan zaki gano  akwai saƙo a ciki"
tunani ta shiga yi

#######

_Wata irin k'ara ta ke ji wanda duk me yin ta yana cikin damuwa sosai kuma yana da buk'atar taimakon gaggawa, sai dai abun da ya d'aure mata kai shine muryar da take k'arar ta santa, ba kuma k'aramin sani ba tunda yawanci ita ce ta ke ji a mafarkinta d'an mutumin ta ne, da ta saba ji a mafarkinta, duk da bata tab'a ganin fuskar shi ba amman ta rik'e muryar shi sak, a kid'ime ta fara bin inda taji k'arar tafi yawa, kasancewar cikin duhu ne da lalube take tafiya, hannun ta taji ya tab'a mata wani abu da alama marfin k'ofa ne, ta manna kunnenta taji tabbas ta nan ne k'arar ke fitowa, cikin fargaba ta d'an tura_ _k'ofar kad'an take k'ofar ta wangale gaba d'aya tana sakin wata,_
_y'ar k'ara ƙyarrrr ba abun da take iya gani tsabar duhun ba kuma abun da ta ke iya ji illah wannan kururuwar da shashek'ar, sae kuma abunda yafi d'aure mata kai, k'arar ruwa kawai takeji yadda kasan ana tilla ma ruwan manya2 duwatsu fancal2 kawai take ji, cikin rashin kwarin gwiwa ta fara taka k'afar ta a hankali cikin bud'add'iyar kofar, ba abun da take ji sae k'asa mai damshi alamun akwai ruwa gaba, tana isa bakin gab'a idonta ya hango mata alamun mutum, yana sanye da fararen kaya ruwan na tasan ya janye shi, shi kuma yana dago hannu yana karkad'a su, alamun ya na neman taimako, ta waiga ko ina taga taya za ta taimaki wannan bawan Allah, amman bata ga kowa ba kuma bata ga komai ba, gashi har yanxu bata dena jin wannan k'arar ba dan haka kawai ta yanke hukuncin ta shiga ta_ _jawo shi, tunda ta iya iyo, dan haka ta tattare zanin ta tae tsalle dan ta fad'a cikin ruwan._