ပြန်လည်မွေးဖွားပြီးနောက်‌ မြောင်ကျန်းကိုပြန်ပြီးမိသားစုအမွေကိုဆက်ခံခဲ့တယ်

Ch 62 - Jiūjiūjiū, Jiūjiūjiū jiū

|| Unicode ||

    ရွှေအပ်ရွှေချည်ချိတ်စည်းသည် လုန်ဟူတောင်တန်းတွင် အမြင့်ဆုံးချိတ်စည်းဖြစ်သည်။ ဆုရှောင်းမီကိုယ်တိုင်ရှာဖွေလေ့လာထားသည့်နည်းမှာမတိကျလျှင်တောင် ဖုချင်းအရင်ကပြောခဲ့သလို ထိလိုက်ရုံနှင့် ပြုတ်ကျသွားသည်ဆိုသည်မှာ လုံးဝမဖြစ်နိုင်။ ဝူရုန်ထိုအကြောင်းအားအများကြီးတွေးကြည့်လိုက်သည် သူ၏ကိုယ်ပိုင်ထူးခြားသည့်ခန္ဓာကိုယ်တည်ဆောက်ပုံမှသည် တစ္ဆေကြီး အားချိတ်စည်းဖြည်ပေးသည့်အချိန်ထိပင် တွေးကြည့်လိုက်ပြီး‌နောက် မယုံနိုင်စရာအကြံတစ်ခုထွက်ပေါ်လာသည်။

    တစ္ဆေကြီးကသူ့ဘယ်ဘက်နားပေါ်ကချိတ်စည်းကို ဟိုးအရင်တည်းကဖြည်ပြီးလောက်တယ်!

    "ထင်းကန်အပ်ကြောင်းထဲတုန်းကလား?"

    ထိုအတွေးပေါ်လာသည်နှင့်တပြိုက်နက် ၎င်းမှာ ဝူရုန်နှလုံးသားအားနက်နက်ရိူင်းရိူင်းစူးဝင်သည်။ ထိုအကြောင်းကိုတွေးပြီးနောက် ထင်းကန်အက်ကြောင်းထဲကအချိန်မှာအဖြစ်နိုင်ဆုံးဖြစ်မည်ဟုခံစားမိသည်။ လွင်တီးခေါင်းတောင်ကုန်းအလယ်သို့သွားခဲ့သည့်တစ္ဆေကြီးတွင် ရည်ရွယ်ချက်ရှိနေပြီး တစုံတရာကသူ့အားဆွဲဆောင်နေသလိုပင်။ ဝူရုန်လိုက်တက်လာသည့်အခါတွင် ဟူရှန်းအုတ်ဂူချိတ်ပိတ်ရာရှေ့တွင် အချိန်အ‌ တော်တိတ်တဆိတ်ရပ်‌တန့်နေခဲ့သော တစ္ဆေကြီးအားတွေ့ခဲ့သည်။ ဒါသည် တကယ်ကြီး ပုံမှန်မဟုတ်သည့်အချက်ဖြစ်သည်။

    သို့‌သော်ထိုအချိန်၌ ထင်းကန်အက်ကြောင်းပြိုပျက်နေပြီး ဖုချင်းသည် သူကိုခေါ်ထုတ်ရန် ယင်ချီစီးကြောင်းအားပြန်ဖွင့်ခဲ့သည်။ ဝူရုန်ထိုအကြောင်းအား အများကြီးမတွေးမိခဲ့ ။ထိုအချိန်ကိုက်ဖြစ်နေမှုမှာအခုတွေးကြည့်တော့အနည်းငယ် သံသယဝင်စရာကောင်းလှသည်။

    ဝူရုန်အားကသောင်းကနင်းအဖြစ် ဆုံးသောအချက်မှာ တစ္ဆေကြီးမှ သူ၏စည်းအားအချိန်အတော်ကြာထဲကဖြည်ခဲ့သည့်တိုင် သူ လုံးဝသတိမထားမိခဲ့သောအချက်ပင်!

    တစ္ဆေကြီး၏နားတွင်ရှိနေသေးသည့်ရွှေအပ်နှင့်တစုံတရာလုပ်စရာရှိနေ‌နိုင်သော်လည်း သူကထိုအချက်ကိုဖုံးကွယ်ထားနိုင်လျှင် သူထို့ထက်ပို၍ဖုံးကွယ်ထားနိုင်သည်။ တစ္ဆေကြီးကချိတ်စည်းအတော်များများကို‌ဖြည်ပြီးနေနိုင်မလား! ဝူရုန်တေ‌ွ့ကြည့်လေ‌မျက်မှောင်ကြုတ်လာလေဖြစ်ကာ မေးခွန်းထုတ်ခံထားရပြီး‌ တိတ်ဆိတ်နေခဲ့သည့် အနီရောင်တစ္ဆေမှာ ခဏမျှတိတ်ဆိတ်နေပြီးနောက် ရုတ်တရက်ဝူရုန်လက်ကိုဆွဲယူကာ သူမျက်နှာထက်တင်ပေးလိုက်သည်။ သူ၏ပိတ်ဆို့ထားသည့်မျက်လုံးမှသည့် ရွှေအပ်နှင့်ထိုးဖောက်ခံထားရသည့်ညာဘက်နားရွက် ၊ ရွှေအရည်များနှင့်ပိတ်ဆို့ခံထားရသည့်နှာခေါင်း၊ ရွှေချည်များနှင့်ချုပ်နှောင်ခံထားရသည့်နူတ်ခမ်းများသို့တိုင် လိုက်ထိစေသည်။