Wizard's Tale Trilogy (1-3) ✔

Wizard's Tale 1: Chapter 32

(Brylle POV)

Noon pa man, alam na namin ni Vander ang tungkol sa black crystal ball na kasama sa mga gamit ng Mama ni Yana. But we didn't expect na mapapagana niya yun. Nang sinubukan kasi namin noon, wala kaming nakuhang sagot mula sa crystal. It didn't work so we thought it was just a wortless crystal ball.

So how did Yana used it? Or mas tamang itanong ngayon ay, ano ang nakita niya?

"Kalma, kalma, kalma ka lang Yana. Kalma, kalma, kalma..."

"Vander, more than three times mo nang pinaulit-ulit yan."

"Gusto ko lang siyang kumalma, Master Brylle."

"Tama na Vander, okay na ako." Pero hindi halata sa boses at mukha niya na okay siya. Tinitigan ko ang mga mata niya at nandun pa rin ang takot.

"Okay ka na ba talaga? Can you tell us now what happened?"

Nag-dalawang isip pa siya pero hindi rin nagtagal ay kinuwento niya saamin ang lahat. Nakita niya ang nangyari sa mag-inang Seline at Cerina. Napanood niya ang pagpatay sa kanila at ang mukha ng pumatay sa kanila.

"Brylle, yun ba?" At habang nagkukwento siya, umiiyak siya. "Yun ba yung Karmic Spell? Bakit kailangan silang patayin sa ganung paraan?"

"Yana, hindi kagustuhan yun ni Master Brylle." Pagtatanggol naman saakin ni Vander. "Hindi rin niya alam na ganun pala ang katumbas ng lahat ng kasamaan nila."

"Tama na Vander." Ayokong palalain pa ang sitwasyon lalo pa at ramdam ko ang paghihirap ni Yana ngayon. "I'm sorry Yana. I'm so sorry..."

Humagulgol na lang uli si Yana.

Tumayo na lang ako kaysa titigan siya na umiiyak! Nakakasama lang kasi lalo sa loob! Bakit wala akong alam pagdating sa mga ganitong bagay? Ano pang silbi ng pagiging Class B+ Wizard ko kung sa ganito lang, hindi ko siya kayang patahanin!

"Brylle, hindi naman kita sinisisi. Pero—" Pinipilit niyang magsalita ng maayos kahit pa humihikbi siya. "Tulungan mo ako. Tulungan mo akong hanapin yung nilalang na gumawa sa kanila nun."

Pagkasabi niya nun, naalala ko bigla ang sinabi niya rin kanina. "Tama, sinabi mo kanina na nakita mo na rin ang nilalang na yun sa Otherworld?"

Tumango naman siya. "Naalala mo yung unang beses na isinama mo ako sa Necro Market? Dun sa bookshop? Nung iniwan mo ako, dun siya unang nagpakita saakin."

"Bakit wala kang nakwento saakin tungkol dyan?"

"Kasi hindi naman niya ako sinaktan. Tinakot niya ako pero wala naman siyang ibang ginawa saakin. Bukod pa dun, akala ko siya yung taga-bantay sa bookshop."

"Ano bang itsura niya?"

"Lalaki siya. Sobrang puti niya na kasing kulay ng snow. Ganun din ang kulay ng buhok niya. May bloody red lips at may silver eyes."

"I know a creature that matches that description."

Pero naguluhan lang tuloy ako lalo. Kung ganung nilalang nga ang nagpakita kay Yana at pumatay sa mag-ina, malaking problema yun!

"But we have to be sure. Kung magagamit mo lang uli itong crystal ball para masiguro ko talaga kung sino o anong nilalang ang tinutukoy mo."

Muling iniabot ni Vander ang black crystal ball kay Yana. "Basta gawin mo lang ang ginawa mo kanina Yana para makita na namin kung sino ang tinutukoy mo." Sabi ni Vander.

Kahit na parang ini-stress namin siya, wala namang choice. Kailangan namin ng kasagutan. And so Yana tried rubbing the crystal ball again. I know she tried but nothing happened.