حكايات اهلنا

قصص فيها امثال اهلنا

نكرت اصلها

كان في احد الأهوار تعيش عائلة خطب ابنتهم رجل يعيش في المدينة.
تزوجت بعد مدة وعاشت في المدينة
وكانت عادة اهل زمان ان تزورهم بنتهم الا بعد مرور سنة على زواجهم وبعد سنة كان لديها طفل فأخذها زوجها الى اهلها في الهور وكان الفصل ربيعا
فكان في هذا الفصل يبدأ قصب البردي والقصب في النمو واعادة دورة حياته وكانت بداية ظهور القصبة تسمى عند اهل الجنوب (العنگر) يعني البرعم
فركبا قاربا ليتجها نحو المكان الذي يسكنون فيه اهلها وعند وصولها الى اهلها استقبلوها احسن استقبال لكنها بعد ساعة بدأت تتذمر
:اوه ما هذا كيف تعيشون هنا ما هذه الرائحة ااوووف و
واستمرت بأنتقادها لكل شيء فأنزعج الجميع منها ولما خرجت مع زوجها في ارض اهلها رأت براعم القصب فسألت بتجاهل واشمئزاز: اوووه انا اكره الگنعر نظر لها زوجها وقال: اسمه عنگر وليس گنعر ولا تنكري اصلك فأنت عشتي هنا فترة طويلة اكثر من التي عشتيها معي في المدينة فلا حاجة لذلك التكبر وتواضعي ولا تنكري المكان الذي عشتي فيه بل افتخري به فمهما كان بسيطا فهو يعني الكثير للذين يعيشون فيه

*          *               *
الحية والسلحفاة

في يوم قالت الحية للسلحفاة انا سمي قاتل بينما انتِ فلا
قالت السلحفاة: انتِ سمعتكِ قاتلة وليس سمك
قالت الحية: وكيف ذلك اثبتيه لي
قالت السلحفاة: فلنذهب للنهر فهناك اولاد يسبحون ستلدغين احدهم انت وانا اظهر رأسي كي يتوهموا اني من عضضته
ثم نفعل العكس
فذهبت الحية قرب الاولاد ولدغت احدهم واخرجت السلحفاة رأسها
في باديء الأمر صرخ الولد واصدقائه اخرجوه وهم يتصايحون لقد لدغته حيه والولد متألم ولكن احدهم رأى راس السلحفاة فقال: انها عضة سلحفاة وليست حية فعندها هدأ الولد وتعافى ثم اكملوا السباحة في النهر
ثم عضت السلحفاة ولدا آخر فصرخ الولد وتصايح اصدقائه واخرجوه من النهر فأخرجت الحية رأسها فلما نظروا قالوا انها لدغة حيه وليست سلحفاة
كان الولد متألم ولكن معنوياته جيدة ولكنه مجرد ان سمعهم قالوا لدغة حية مات من الخوف
عندها قالت السلحفاة للحية الم اقل لك ان سمعتك وخوفهم منها اقوى من سُمك
واعتقد فهمتم القصد

*       *          *            *

اگوم احشي

هذه باللهجة العامية لأن ما ترهم بالفصيح

كانت مرة محتارة تريد تسوي كبة وما تعرف بيمن تحشيها واستحت تسأل جاراتها فراحت يمهن گعدت وكامت تسولف سوالف النسوان المعتادة وكل شوية ورادت تگوم وكالت يله خيه من رخصتج اريد اكوم احشي الكبة
كاللها ظلي بعد شوية وكل شويه تسوي نفسها تريد تكوم من يمهن وتكلهن اريد اكوم احشي وترد تگعد بس يكوللها ظلي بعد
آخر شي وحده من جاراتها كالتلها خيه شالقضية هنه بصل وكرفس ولحم وكشمش و.و..و..وسويهن بسرعة
جان تكلها رحمةالله لوالديج انا جنت ناسية شخلي بالحشو وانتي ذكرتيني
وصارت مثل متداول عد اهلنا
خل اكوم احشي

*     *        *       *

ام خصاف

اكو وحده خبله شوية ما تكدر بيها عادة سيئة من تسمع صوت عرس يمر من يمهم تطلع من البيت وتلحك العرس وتظل تركص عبالك اخت العريس 😂
فأمها تحاول تشغلها بأي طريقة عن الاعراس لأن تفشلهم دايما
فد يوم اتعده عرس منهم قريب وجانت تسبح بالحمام بالصدفة ففرحت امها وضمت ملابسها حتى لا تطلع كامت تصيح بتها ولج يمه جيبي هدومي خل اروح للعرس
المهم امها ما نطتها الملابس وره شويه جان تسمع امها صوت الباب انفتح وباوعت وشافت بتها لابسه خصاف وكلها صابون وتركض صوب العرس 😂
المهم مافاد اي طريقه وياها فكاموا يخلونها على راحتها امرهم ل الله وبما انها خبلة مو عاقله فما عليها عتب هههههه

الخصاف شنو راح تسألون هو عبارة عن سلة طويلة مصنوعة من خوص النخل
فصار مثل عد اهلنا للبت الحركة وما تكعد راحة ام خصاف

*      *          *         *

نفخة اختك بالشام

كانت اكو مرة تحب الاكل هواي وضعيفة كدامة فجانت من تطبخ الأكل تاكل اللحم وتخلي بس العظام لان ياخذها الواهس عالاكل لحد ما تخلصة
من يجي زوجها من الشغل تخلي العظام اله فيضوج ويسألها وين اللحم
تكله (نفخة اختك بالشام تطير اللحم وتخلي العظام ) وهو يصدكها
الى ان اجه يوم ضاج كلش وسافر لاخته بالشام ومن وصل رحبت بي وسوت اكل اله وجان طيب وكله لحم وره الغده عاتبها كللها ليش خوية تسوين بيه هيج ضلت متعجبة اخته وسالته خويه شنو السويتلك سولفلها كلشي. ضحكت اخته وكالت هاي مرتك جذابه شوف راح انفخ على اللحم اذا طار وظل العظام مرتك على حق نفخت ونفخت واللحم ما اهتز هههه ففهم اخوها الغبي ان مرته تجذب عليه رجع لبيته وهو يريد يعرف وين تودي اللحم دخل على غفلة لكاها تاكل باللحم من حست بي تلكته وسلمت فطلب منها تصبله غدة جان تخلي العظام بس من سألها نفس العبارة جاوبتها نفخة اختك بالشام.....   
كللها انتي اكبر جذابة انتي تاكلين اللحم ومخليتني آكل العظام وتذبين البلوة براس اختي يعني هم قشمرتيني وهم خليتيني احقد على اختي وهم انتي المستفادة يله طلعي برة انتي طالك
طلكها وتزوج مرة زينة هالمرة 😄
فصار مثل( نفخة اختك بالشام طيرت اللحم وخلت العظام)

وعذروني على اللهجة العامية لان هاي قصص ماترهم بالفصيح وبيها نوع من الفكاهه 😊