အခန်း ၁၀၃: လူဆိုးဂိုဏ်းဝင် ရှစ်ယောက်
ချင်ကျိုးက ယိုဟော့ကို စနောက်ချင်သောကြောင့်သာ ထိုသို့ပြောခဲ့ခြင်းဖြစ်သော်လည်း သူ့မေးခွန်းအတွင်းမှ ပြောလိုသည့်အရိပ်အမြွက်မှာ အလွန် ရှင်းလင်းနေသည်။
အကယ်၍ ယိုဟော့သာ တကယ်တမ်း ထိုအကြောင်းအရာကို ရှောင်သွားချင်ခဲ့လျှင် သူ ငြင်းဆန်လိုက်၍ ရသည်။
သို့သော် ယိုဟော့က စကားမဆိုခဲ့ပါချေ။
တံခါးလက်ကိုင်ကို ကိုင်ထားသောလက်မှာ ခဏတဖြုတ် တင်းကျပ်သွားပြီးနောက် ပြန်လည်ပြေလျော့သွား၏။ ချင်ကျိုး၏ အကြည့်အောက်တွင် သူသည် တိတ်ဆိတ်နေခဲ့သည်။ ပြောမထွက်နိုင်သော လျှို့ဝှက်ချက်တစ်ခု ရှိခဲ့သည်ကို အသံတိတ်အသိအမှတ်ပြုနေသကဲ့သို့ပင်။
ဤကဲ့သို့သော တိတ်ဆိတ်မှုမျိုးတွင် မပြောအပ်ဟု တားမြစ်ထားသည့် ခံစားမှုမျိုးလည်း မသိမသာ ကပ်ပါနေသေးသည်။
ချင်ကျိုးသည် သူ့ကို ငှက်ခြေသည်း၊ လက်သည်းတစ်ခု၏ ထိပ်ဖြင့် ကုတ်ခြစ်မိသွားသည့်အလား ခံစားလိုက်ရ၏။ ၎င်း၏ အချွန်ထက်ဆုံး ထိပ်ဖျားကိုသုံး၍ ခပ်ဖြည်းဖြည်း ညင်သာစွာ အပေါ်တက်လိုက် အောက်ဆင်းလိုက်လုပ်နေသည်။
မနာကျင်သော်ငြား သူ့နှလုံးသားကို ယားကျိကျိဖြစ်စေသည်။
အကျဉ်းခန်းသက်ရောက်မှုမှာ စတင်နေပြီ။ သူတို့ပတ်ဝန်းကျင်သည် တဖြည်းဖြည်း မှောင်မိုက်လာပြီး အခန်းတွင်းရှိ အရာဝတ္တုတို့၏ ကောက်ကြောင်းတို့ကို ကောင်းစွာမြင်ရရန် ခက်ခဲလာသည်။
မှောင်မည်းလာသော ပတ်ဝန်းကျင်တွင် ယိုဟော့သည် ချင်ကျိုးကို လှည့်ကြည့်လာ၏။
နောက်ခဏအကြာတွင် ချင်ကျိုးသည် သူ့ကို နမ်းရှိုက်လာသည်။
သူက ယိုဟော့ကို တံခါးတွင် ကျောဖြင့် အပ်ထားသည်။
ချူယွဲ့ပြောခဲ့သည့်အတိုင်းပင် စနစ်အတွင်းတွင်ရှိသောသူ တစ်ယောက်အနေဖြင့် သူ့အပေါ်စနစ်၏ လွှမ်းမိုးမှုနှင့် ထိန်းချုပ်မှုတို့မှာ ပို၍ ပြင်းထန်သည်။ သူ့မှတ်ဉာဏ်အမြောက်အမြားသည် အသေပိတ်လှောင်ခံထားရပြီး ယခုပင်လျှင် သူမမှတ်မိနိုင်ပေ။
YOU ARE READING
တစ်ကမ္ဘာလုံးဆိုင်ရာ စာမေးပွဲ (GUEE)_Unicode
ActionOfficial English Title (Global Examination) mostly known as Global University Entrance Examination_GUEE တစ်ကမ္ဘာလုံးဆိုင်ရာ စာမေးပွဲလို့ခေါ်တဲ့ system ထဲကို ရုတ်တရတ် ခေါ်သွင်းခြင်းခံလိုက်ရတဲ့ ယိုဟော့.. အဲဒီမှာ သူလိုပဲ ကံမကောင်းတဲ့ တခြားဖြေဆိုသူတွေန...