စုယာက သူ့အား စိုက်ကြည့်လိုက်သည်။ သူမအနေနှင့် သူသည် ထိုအခြေအနေကို အသုံးချကာ တခြားအမျိုးသမီးနှင့် အီစီကလီ လုပ်သွားလိမ့်မည်ဟု မထင်ထားပေ။ အနည်းဆုံးတော့ သူမက ဝမ်ဝေ့အကြောင်း အသစ်အဆန်းတစ်ခု သင်ယူလိုက်ရသည်။ သူက သူ လိုချင်တာကို သတ္တိရှိရှိ တိုက်ရိုက်ရအောင် ယူမည့်လူ ဖြစ်သည်။
စုယာက ဝူဟုန်၏ တုံ့ပြန်မှုကို မြင်ရဖို့ တစ်ချက်လှမ်းကြည့်လိုက်သည်။ သို့သော်လည်း သူမက အခြေအနေတစ်လျှောက်လုံး တည်ငြိမ်နေလေသည်။ ဝမ်ဝေ့၏ ချီးကျူးမှုကို ဖြစ်စေ၊ သူတို့စကားဝိုင်းကြား သူမ ဝင်နှောင့်ယှက်လိုက်၍ ဖြစ်စေ သူမက ဘယ်အရာကိုမှ စိတ်ထဲထားဟန်မပေါ်ပေ။
ထို့အပြင် စုယာက ဝူဟုန်၏ စိတ်ခံစားချက်များကို မဖတ်နိုင်ကြောင်း သိလိုက်ရသည်။ သူမက ဝမ်ဝေ့ အပါအဝင် အခန်းထဲ လူအားလုံး၏ စိတ်ခံစားချက်များကို ဖတ်နိုင်သည့်အတွက် ယခုအရာက အထူးအဆန်း ဖြစ်နေသည်။ သူမက ထာဝရ တည်ငြိမ်သည့် အနေအထားသို့ ရောက်နေဟန်ပေါ်သည်။ သို့သော်လည်း စုယာက ထိုအရာသည် သူမ၏ စိတ်ခံစားချက်များကို မဖတ်နိုင်အောင် တားဆီးထားသည့် ရုပ်ဖျက်ထားမှုတစ်ခုသာ ဖြစ်ကြောင်း ပြောနိုင်လေသည်။
အခန်းထဲရှိ ပါရမီရှင်အားလုံးကြား အားလုံးက သူတို့စိတ်ခံစားချက်များကို စိတ်ထဲ၊ ဝိညာဉ်ထဲအထိ ဖုံးကွယ်ဖို့ ကြိုးစားနေကြသည်။ သို့သော်လည်း စုယာက သူတို့ ဘယ်လိုခံစားနေရမှန်း ပြောနိုင်လေသည်။ လင်းဖန်နှင့် ကျီစုန့်တို့ပင် ပါဝင်၏။
သူတို့အများစုက ရှီရှစ်အပေါ် ရမ္မက် သို့မဟုတ် လိုအင်ဆန္ဒ ခံစားချက်တို့ ရှိနေကြသည်။ စုယာက ကျီစုန့်၏ ဝမ်ဝေ့အပေါ် မုန်းတီးမှုကိုလည်း ခံစားမိ၏။ ကျန့်ဝူရွှမ်းနှင့် အဖော်ပါလာသည့် လူများဆီကလည်း ဝမ်ဝေ့အပေါ် တူညီသော အမုန်းတရားမျိုး ရှိနေကြသည်။ သူတို့ ခံစားချက်က ရန်လိုသည့်ဘက် ပိုများ၏။
ဒီတွေ့ဆုံပွဲ စတင်ကတည်းက စုယာကို အံ့အားသင့်စေသည့်အရာ နှစ်ခုသာ ရှိသည်။ တစ်ခုက သူမက ဝူဟုန်၏ စိတ်ခံစားချက်များကို မဖတ်နိုင်ခြင်း ဖြစ်ပြီး နောက်တစ်ခုက ဝမ်ဝေ့က သူ့ခံစားချက်များကို ဖုံးကွယ်ဖို့ ဘယ်တော့မှ မကြိုးစားခြင်း ဖြစ်၏။ အတိအကျဆိုရလျှင် သူက သူ့စိတ်ခံစားချက်များနှင့် သဟဇာတ ဖြစ်နေသည်။
အခန်း(204)
Start from the beginning
