ကြယ်တာရာသားရဲများ၏ ကမ္ဘာ
အခန်း ၂၀၄
နယ်မြေမှ ပြန်လာခြင်း.
ဘာသာပြန်.Soul
ရှီယွဲ့ရွှမ် ကြယ်တာရာဒိုင်းကိုသုံးကာ သူမကိုယ်သူမ ကာကွယ်လိုက်သည့်အပြင် ကြယ်တာရာ စွမ်းအင် ချိန်းကြိုးများဖြင့် ဖွတ်အား ချုပ်ရန် ကြိုးစားလိုက်၏။သို့သော်လည်း ဖွတ်၏ အကြေးခွံအား ထိသည်နှင့် ချိန်းကြိုးများ ပျောက်ကွယ်သွား၏ ။
"ပွက်! ရှဲ..ရှဲ.."
ဖွတ်က အဆိပ်အရည်များကို ထွေးထုတ်လိုက်ရာ သူမ၏ ကြယ်တာရာဒိုင်းအား အလွယ်တကူ စားသွားသည်ကို မြင်လိုက်ရ၍ ရှီယွဲ့ရွှမ် လက်မြောက်အရှုံးပေးကာ မျက်လုံး မှိတ်လိုက်မိစဥ် အဆိပ်မှာ သူမအပေါ် မကျလာပဲ အင်အားတစ်ခုမှ သူမအား တွန်းထုတ်လိုက်၍ မီတာအနည်းငယ် အကွာဝေးသို့ လွင့်သွား၏ ။
သူမ မျက်လုံး ပြန်ဖွင့်လိုက်ချိန် ခမ်းနားထည်ဝါလှစွာသော ငရဲမီးနဂါးတစ်ကောင်အား တွေ့လိုက်ရ၍ ကြောင်အသွား၏။သို့သော် အဆိုပါငရဲမီးနဂါး၏ ဂါးခနဲ ကျယ်လောင်သော အသံက သူမအားသတိပြန်ဝင်လာစေ၏။တစ်ဆက်ထဲတွင် မူလ ရပ်နေသည့် နေရာတွင် အကြေးခွံများ ကြွေကျကုန်မည့်အလား လှုပ်နေသော ဖွတ်အား သူမတွေ့လိုက်ရသည်။
ဖွတ်မှာ ရှီယွဲ့ရွှမ်အား ဖမ်းရန် ဆန္ဒ ရှိပုံမရတော့ချေ။တောအုပ်ထဲ ပြေးဝင်ရင်း ပုတ်သင်ညိုတစ်ကောင်ကဲ့သို့ အရောင်ပြောင်းလဲကာ တစ်ချိုးထဲလစ်ပြေးသွားတော့သည်။
ငရဲမီးနဂါး သူမဘေးမှ စောင့်ငှဲ့ ကြည့်လာလျှင် အကြည့်ဖြင့်ပင် သေဆုံးသွားသည့်အလား ရှီယွဲ့ရွှမ် တောင့်မတ်သွား၏ ။
"ဟား...အားနည်းသူက အားကြီးသူအစာ ဖြစ်တာ မဆန်းပါဘူး ။ ဖွတ်နဲ့ ငရဲမီးနဂါး ဘယ်သားရဲ အစားခံရတာ ဘယ်ဟာပိုကောင်းမလဲ ။ ငရဲမီးနဂါးလား ။ နာမည်ကြီး နဂါး စားခံရတော့ ငါလဲ နာမည်ကြီးမှာပေါ့ ။ အား...ဘာတွေ တွေးနေတာလဲ" ရှီယွဲ့ရွှမ် နောက်ဆုံး အထျိန်တွင်ပင် အတွေးများနေသည့် သူမကိုယ်သူမ အပြစ်တင်လိုက်၏ ။
သေဆုံးရန် စောင့်နေသော်လည်း ငရဲမီးနဂါးမှာ သူမအား အစာအဖြစ် မဟုတ်ပဲ နားမလည်စွာ ကြည့်နေကြောင်း ရှီယွဲ့ရွှမ် တွေ့လိုက်ရသည်။
YOU ARE READING
ကြယ်တာရာသားရဲများ၏ကမ္ဘာ(အတွဲ၂)ၾကယ္တာရာသားရဲမ်ား၏ကမ႓ာ(အတြဲ၂)
Fantasyစုပင်းတစ်ယောက် အိပ်နေရင်း သူနေထိုင်တဲ့ ကမ္ဘာထက်ပိုအဆင့်မြင့်တဲ့ အခြားကမ္ဘာတစ်ခုကို ကူးပြောင်းရောက်ရှိသွားပြီး ထိုကမ္ဘာသည် နည်းပညာမြင့်သော်လည်း ကြယ်တာရာသားရဲများကို အဓိကအားထားကြောင်းသိလိုက်ရပြီး သူရောက်ရှိနေသောခန္ဓာကိုယ်ပိုင်ရှင်မှာ သားရဲများနှင့်ဆက...
