( Unicode)
"သား အမေဝင်ခဲ့မယ်နော်"
"ဟုတ်အမေ"
ေကာင်းမာန်အခန်းထဲအိပ်နေတုန်း အမေဖြစ်သူကခေါ်လာတာမို့ တံခါးထဖွင့်ပေးလိုက်သည်။
"ငါ့သားရယ် အမေကိုယ်တိုင်ဖွင့်ဝင်လို့ရပါတယ်"
"မဟုတ်တာ အဲ့တာအသာထား အမေသားကိုဘာပြောမို့လဲ"
"မနက်ဖြန်သားလက်ထပ်ရမယ့်နေ့နော်"
"ဟုတ်ကဲ့ သားသိပါတယ်"
သူမကိုအပြုံးမပျက်ပြန်ပြောနေတဲ့သားကြောင့် သူမမျှော်လင့်ထားတာတွေပျက်ပျယ်ကုန်ပြီလားလို့တွေးနေမိသည်။သူမသားကမောင်စောကိုမချစ်တော့တာများလား ဟိုနေ့ကပြောတော့အေးမာနဲ့ကလုပ်ကြံခံရတာဆိုပြီး ခုကျတော့အေးအေးဆေးဆေးဖြစ်နေပါ့လား မနက်ဖြန်ပဲအေးမာနဲ့လက်ထပ်ရတော့မှာကိုလေ။
"ငါ့သားမနက်ဖြန်သားလက်ထပ်ရမှာနော် ဘယ်လိုမှမနေဘူးလား"
"ဟင့်အင်း သားဘာမှမဖြစ်ပါဘူး"
"အေးပါကွယ် ငါ့သားဘာမှမဖြစ်ရင်ပြီးတာပါပဲ ဒါဆိုအမေအိပ်တော့မယ်"
"ဟုတ် ကောင်းကောင်းသွားပါဗျ"
ထွက်သွားတဲ့အမေ့ကိုကြည့်ကာစိတ်မချမ်းသာပေမယ့် အမေ့ကိုစိတ်မဆင်းရဲစေချင်လို့မပြောပဲထားထားလိုက်တာပင်။ခုလိုလုပ်လိုက်တာမှားသွားပြီလားလို့တွေးမိပေမယ့်လည်း အမေ့ကိုပြောရင်လည်းအမေပိုစိတ်ရှုပ်ကုန်မှာ ဘာလို့ဆိုအမေ့ရဲ့မောင်က သူ့သားဖြစ်သူကိုလုပ်ကြံသူဆိုတာသိရင် အမေဘယ်လိုမှနေနိုင်မှာမဟုတ်ဘူး။မနက်အတွက်အားမွေးထားပါအမေ သားကြိုတောင်းပန်ပါတယ်။
~~~~~~~~~~~~~
စောသက်အိမ်...
ညကြီးမိုးချုပ်စောသက်အိမ်ကိုရောက်လာတဲ့သူနှစ်ယောက်၊ ထိုနှစ်ယောက်ကတံခါးခေါက်လိုက်တာနဲ့ လာဖွင့်ပေးတဲ့သူတစ်ယောက်ရှိနေသည်။ထို့နောက် ရောက်လာတဲ့နှစ်ယောက်ကိုအိမ်ထဲခေါ်ကာ စားပွဲတစ်ခုမှာဝိုင်းထိုင်လိုက်ကြသည်။ထိုစားပွဲမှာ ယောက်ျားသုံးယောက် မိန်းကလေးတစ်ယောက်ရှိနေသည်။
YOU ARE READING
Angel System
Fanfictionအစားမက်တဲ့ဝမ်ရိပေါ်လေး system တစ်ခုထဲရောက်သွားသောအခါ~~~ Start Date:24.12.2022 End Date: