النفاثات في العقد

الجزء 71

امي: وب علي وب علي دا شنو يابت؟
حنين: ماف شي ياامي.
امي : حنين حنين تعالي هنا دا ، الدم دا شنو ووشك مالو مورم؟
حنين: قلت ليك مافي شي.
امي: سمح الليلة الا اضرب لي ابوك اكلمو.
حنين: لالا ماتضربي ليو ، اتشاكلت مع وحدة في الجامعة.
امي: حركات الاولاد دي كبرتي وماعايزة تخليها ، ليه ماشة تقري ولا ماشة ميدان حرب، وين المسؤولين في جامعتكم ان شاءالله يطردوك ، انا ماعندي فيك شغلة ابدا.
حنين: خليني ياامي شوية عليك الله مع نفسي ماناقصة كواريك.
امي: خليتك سوي الدايرة تسوي اصلك انتي الايامات دي مابعرفك مالك.

قفلت على نفسي الغرفة وقفلت تلفوني وماكنت عايزة اسمع صوت زول وقعدت ابكي لحدي مانمت وصحيت على اذان العشاء.
هسة حأصلي الاوكات الفاتتني ؟ اقابل ربي كيف انا تاني وقعدت ابكي من جديد ، جات على بالي رانيا ، عارفة لو كلمتها حتاكلني اكل بس لازم تعرف على الاقل افضفض اشكي وابكي ليها من العملتو في روحي.

الو...!

حنين: رانيا الحقيني.
رانيا: مالك في شنو كلميني ، اقفلي الخط خليني ارجع ليك انا رجعت لي رانيا وحكيت ليها الحصل بالتفصيل.
رانيا: ياخسارة ياخسارة ياحنين ،ياما حذرتك ونبهتك لكن ماسمعتي كلامي ، دي النتيجة الوثلتي ليها.
حنين: ما انتي العرفتيني بأختك ، انا الكنت بخاف منها انتي الحببتيها لي.
رانيا: والله انا ماكنت قايلاها حتدخل فيك كدا ، لو انا السبب سامحيني عليك الله.
حنين: انا خايفة يارانيا.
رانيا: واي عليك يااختي ربنا يحميك من كل شر.

استمرت رانيا بي تهدئتي ووعدتني تكلم خالها يمكن يقدر يعمل حاجة ومع دا كلو كان خوفي بزيد.

يتبع...