بعد صلاة الجمعة:
عمي الطاهر: وهسة يابدرية البعيشكم منو.
امي: رب العالمين وابو حنين ماقصر اداني قروش كتيرة.
عمي الطاهر: والقروش دي مصيرا تكمل واخوي بعدا خلاص راح فيها.
حنين: دا كلام شنو ياعمو؟ ابوي لسة بي عافيتو الحمدلله شنو الراح وماراح.
امي: حنين اسكتي.
عمي الطاهر : لا ماتسكتيها بتك لئيمة من يوما.
حنين: منو اللئيمة..
امي بي نهرة: حنين قلت اسكتي.
اتدخل عمي عاصم لمن شافني اتضايقت.
عمي عاصم: ياالطاهر لااله الا الله.
الطاهر: محمد رسول الله.
عاصم: بكرة اخونا بطيب وبرجع لي شغلو وحنين بعد سنتين تتخرج وتساعد ابوها.
الطاهر: هههه وليه نستناها تكمل قرايتا ؟ القرو واتخرجو عملو شنو خلي نشوف ليها راجل يلمها.
حنين: نعم ؟؟ راجل يل...
امي: حنيين قومي ادخلي جوة، اسمع هنا يالطاهر اوزن كلامك انا بتي مافاكة عشان الراجل يلمها ولا انا شحدتك تصرف عليها، حنين بت اخوك قبل ماتكون بتي انا و زي ماانت كارهني عايز تكره بتي ، دي بتكم اتقي الله في كلامك البتقول فيو دا، وانت بتتكلم عن العرس مالها بتك ما هدي قرت واتخرجت عرس ليها هي ، اسمع هنا البيت دا عايز تدخلو ادخل باحترام وغير كدا ماتجينا.
عاصم: ياخوانا هدو النفوس وانت يا الطاهر شنو الكلام البتقول فيو دا؟
الطاهر: انا بتطرديني من بيت اخوي؟
امي: لمن تكون بتحترم مرتو وبتقدر بتو بعداك قول اخوي.
امي كانت حاسمة وقوية في منطقها وماكانت بتسكت لي زول ، انا كدا بطبعي زيها بعرف اجيب من البشاكلني.
عمتي ملكة: معليش ياحنين ماتزعلي من عمك، صدقيني بريدك لكن مابعرف يتكلم.
حنين: لا لازم يعرف يتكلم عشان مابخلي الناس تدعي عليهو.
ملكة : عيب ياحنين مهما كان دا عمك يعني ابوك التاني.
حنين: احييي ياعمتي و دا القاهرني انو ابوي للتاني وبتعامل معاي بالطريقة الرف دي.
ملكة: معليش حبيبتي قومي غسلي وشك وماتبكي نحن خلاص ماشين.
حنين: وين ماشين قيلو معانا.
ملكة: عندي مشوار للخرطوم الليلة مابقدر اقعد.
مشو اعمامي وعماتي وانا مستاءة من عمو الطاهر لكن كنت بقول الله يسامحو زي ماقالت عمتي مابعرف يتكلم.
_________________امي: اطفي نور المطبخ وباب ااشقة كويس رباب قالت الايامات دي في حرامية حايمين.
حنين: يكفينا الشر.
حنين: امي عليك الله سامحي عمو الطاهر عمتي قالت مابعرف يتكلم.
امي: يختي عمك عارف كل كلمة بقولا وبعدين التقول هو الصارف عليك وشايل همك.
حنين: طيب ماعلينا خلينا في المهم.
امي: المهم شنو عندك انتي كمان.
حنين: بكرة لازم نمشي لي خالتي فدوى عشان عملية ننو بتها.
امي: اي بكرة الصباح ان شاءالله وماحتمشي معاي.
حنين: ليه ياامي دايرة امشي.
امي: لا عندك جامعه.
حنين: ماماشة دايرة امشي معاك.
امي: قلت لا انتهينا.
حنين بزهج: طيب تصبحي على خير.
امي: وانتي من اهلو برضو مافي ليك مشي.
يتبع...
أنت تقرأ
النفاثات في العقد
Horror📝 بقلم: حنين الروح رواية سودانية تتحدث عن السحر و التعامل مع العالم الآخر