النفاثات في العقد

الجزء 16

انتهى اليوم وجا وكت النوم، رقدنا
اوووف نسيت تلفوني في الدولاب، جبتو وجيت رقدتا
لقيت مكالمتين من Emami SDN..
فز قلبي وطار رجعت ليو مافي رد،
ختيت التلفون تحت المخدة ضرب لي بابا اتونس معاي وكان عايز يتكلم مع امي لكن لقيناها نامت،
انتهت المكالمة مع ابوي.

ختيت التلفون تحت المخدة ، بس تاني رنة وكان اتصال من إمام..

ألو..

امام :حبي مشتاق ليك شدييييد
حنين :وانا كمان حبيبي.. كيفك امسيت؟
امام :الحمدلله وانتي ؟
حنين :وواي لو تشوف الليلة الحصل شنو، طوالي انا جارية احكي الحصل لكن مسكتا نفسي في اللحظة الاخيرة.
امام :حصل شنو؟؟؟

حنين: لا بس كان مليان اليوم وفاقداك شديد ، التعويدة ساهلة والفطامة صعبة قلتها ضاحكة
امام : عايزة تتفطمي مني يعني ههه
حنين:يمكن ههههه..!
امام :اوعى يلفو ليك راسك الماتمام دا.
حنين: راسي ماتمام؟ قصدك شنو؟
امام: ماقاصد شي يامرة
حنين : لاقاصد كيف تقول لي راسي ماتمام ،انفعلت وقعدت اهرج
امام: في شنو بسم الله يابت بهظر معاك والله
حنين: ماتهظر ولا اهظر يالا تصبح على خير
امام : انا اسف
حنين: ماتتاسف ماف شي بيستحق تتاسف عشانو يلا سلام
قفلت الخط وانا في نفسي بقول ليه انا عملت كدا؟ هسة هو قال شنو عشان ازعل كدا؟
لا انا بالجد راسي ماتمام زي ماقال ، نمت وشكلي نمت وانا بكلم في روحي.

يتبع...